兄弟冥壽 墳前與歌迷大唱生日歌
Beyond 玩野燒金毛妹仔服侍家駒
昨日是Beyond成員黃家駒42歲冥壽，舊拍檔兼細佬黃家強、黃貫中
及葉世榮結伴往拜祭，他們在家駒墳前與歌迷大唱生日歌。Beyond
三子在墳前冇厘正經，笑言要燒年輕的「金毛妹仔」服侍家駒！

黃家強、黃貫中（Paul）、葉世榮與Band友一行十人，昨日前往九
龍塘省善真堂拜祭Beyond已故成員黃家駒，阿Paul有心地帶備家駒
以往慣食的香煙，並說：「包煙轉咗包裝，希望你接受啦！」及後
他們便往紙紮店選購紙紮品，他們原本看中Plasma大電視，但家強
說：「上年已經買咗部大電視啦！」最終他們買了洗面用品、冥府
回鄉證、金卡及金條，阿Paul更抵死地說：「乜回鄉證可以買既咩
？」接住家強又問店員：「點解冇八達通既？」此外，他們預訂於
本月三十日、家駒忌辰所需的紙紮品，指定要MAC機電腦及LCD熒幕。

忌辰當日會正經

在省善真堂上香燒衣後，他們便前往將軍澳華人永遠墳場，以花籃
、燒肉、燒鵝及雞祭家駒，Beyond三子到墳場前已有數十名歌迷守候
，Fans則送上蛋糕、燒鵝及燒味給偶像。三子與歌迷齊齊為家駒唱生
日歌，然後便坐在墳前有說有笑！家強提議明年買雪櫃，雪藏鋪滿
地上的食物祭品，又表示要買洗衣機，但阿Paul卻建議用洗衫板，
但家強又怕家駒辛苦，然後阿Paul更冇厘正經說：「都係啲妹仔做
架啦！」家強即抵死地回應：「啲妹仔都老喇！下次燒啲金毛妹仔
畀你！」阿Paul再說：「但係家駒鍾意黑人喎！」三子似乎玩得十
分開心，但家強說：「我地今日玩吓，三十號就唔會玩喇！」