影碟規格 Specification |
The New Guy | |
區域及公司
畫面比例
聲音規格
字幕 英文 法文
特別收錄
電影年份 2002
|
記唔記得<Road Trip四仔旅行團>裡面個瘦到條柴既戇仔呀?
估唔到居然今次擔正做主角,
講緊既係呢部香港都未上(我估都唔會上)既<The
New Guy>. 故事講排骨精Dizzy係學校係眾人笑柄,
一次意外認識監獄猛人將佢改造.轉校後,從始成為學校猛人.
聽落應該幾好笑, 加埋排骨仔DJ
Qualls既搞笑外型,
都唔錯掛.
實際係全片只不過普普通通,
一般校園搞笑片.
劇情非常鬆散,
笑料有D,
但唔係大笑個隻.
睇到呢度, 既然咁普通,點解我會睇呢? 我睇既原因完全因為本片既女主角Eliza Dushku. 你可能唔知佢個名, 但一定睇過佢既演出. 佢就係阿諾舒華生力啤既<真實謊言Ture Lies>裡面做阿諾個女既小妹妹. 當然小妹妹依家已經蜜桃成熟時, 睇過<啦啦小野貓Bring It On>既朋友一定會同意我既講法(Eliza就係戲中果個寸寸地又好sexy, 做男主角個妹果個). 雖然呢部<The New Guy>佢都係做D校園片花樽, 即係show show身裁, program左同男主角拍拖呢D野, 但片中一段Eliza既泳衣fashion show, 絕對值得租黎睇睇. 如果成部戲都係Eliza泳裝表演就好啦. 畫質 本片哥倫比亞廠用DVD9收錄左本片既1.85:1anamorphic版同4:3 Full Screen版. 為左尊重導演既意願, 我只係睇左Widescreen版. 畫質同部戲一樣普普通通. 雖然用黎做DVD既菲林copy非常之乾淨, 但係問題出係某D場景既微粒都好明顯, 都幾礙眼. 顏色就唔錯, 豐富得黎表現都好實淨. 除左微粒既問題, 基本上可以接受. 音質 本片有英文DD5.1同法文2.0選擇. 英文5.1既音效表現都係一般, 因為都無表現機會,低音尤其發揮得最小. Woofer好似無乜出過聲咁滯. 對白表現就好清楚. 有英文同法文字幕可以揀. 特別收錄 今次哥倫比亞就真係孤寒. 淨係得Music Video一個同預告片幾條. 不過個MV都有Eliza既演出,算係補償. 預告片就有本片, <豬豬俠>, <獸身戇男The Animal>, <XXX>同Adam Sandler既新片<Mr.Deeds>. P.S. 隻碟既一區版哥倫比亞又用返RCE碼. 但係奇怪既係呢次既RCE碼對我部DVD機無影響, 反而DVD-Rom play唔到. 但係舊時既RCE碟好似一區初版<A Knight’s Tale>就剛好相反, player play唔到, dvd-rom就得.
總結 總結就梗係唔駛買啦. 不過Eliza既Fans或想知Eliza有幾Hot既準Fans就絕對值得一租. 套戲就用黎Kill Time okay, 但係講明先套戲差過<Road Trip>, <American Pie>, 甚至陳年咁耐既校園片<Porky反斗星>. 畫質: 音效: 特別收錄: 抵買度:
(為滿分) |