15/12 今日終於唔洗OT倒八九點, 可以七點前放工, 好耐都冇試過, 13/12 去左灣仔玩, 我自己玩得好開心, 但係我d friends就唔多開心, 我覺得佢地都係因為我生日要去應酬我, 希望下年唔好再係咁. 11/12 今日去左食咖哩蟹, 同一班最好朋友去, 雖然都唔算乜特別慶祝, 但係都好開心. 無論你去邊度都唔緊要, 最緊要係同邊個去. 10/12 聽日我生日啦, 今晚ladies nite 我都會去灣仔預祝, 聽晚同星期六再玩過...yeah! 14/11 真係好耐好耐冇整個網頁啦, 因為呢排好忙好忙, 工作壓力好大, 做好多事都唔順利, 好唔開心....真係好想中六合彩唔洗再做 :( 12/10 係屋企悶倒發霉, 真係慘, 個"芒"又壞壞地, 想玩下電腦, 一陣又轉色, 都可能要買返個LCD啦. 6/10 今日返深圳上堂"優質採購管理學課程", 學就唔係好多, 不過都有少少用既. 但係就係深圳搵唔倒我想搵既頭cool, 但係都買左少少野. 5/10 同亞Mon去左旺角行街, 見倒Halloween想買既頭cool, 都好想買呀, 但聽日又返大陸喎, 睇下羅湖商業城有冇得買先啦. 4/10 好耐冇去玩啦, 同Joey兩個去左灣仔玩, 都ok, 好過冇得玩. 12/9 我新加左個"心型字"好靚好得意嫁, 想整返個心型字比鍾意既人就click入去上面個圖啦!!! 11/9 中秋節去左大埔飲野, 都好多人, 不過我都係鍾意去灣仔多D, 不過冇所謂啦, 最緊要係一班朋友玩得開心. 26/8 聽日亞Mon生日會去灣仔玩, 上個星期六都去左次, 都好好玩, 好正!! 12/8 今日有個鬼佬黎左公司meeting, 呢排公司好忙呀, 尋日放成8點鐘. 6/8 ladies night 去左carniger, 我自己就玩得好開心, 又有美國水兵黎左香港, 不過亞MON就唔係咁想玩, 所以3點幾4點就走左LU 2/8 好耐冇去大埔飲野, 好似好多野都唔同左啦, 冇以前咁旺, 2點鐘就閉門.... 28/7 好耐冇UPDATE過hp啦, 要努力改頭換面. 14/7 天氣真係好熱, 熱到都唔想出街.... 10/7 今日返工就慘囉, 又眼訓仲要開會, 一放工就返屋企訓到第二朝返工啦. 訓左成12-13粒鐘, 算補返晒啦. 9/7 星期三ladies night 去左灣仔飲野, 如果唔係比面意大利佬我都唔去呀, 第日返工咁辛苦, 仲玩到6:30AM先返倒屋企. 不過都真係好好玩. 4/7 好多日冇update個homepage啦, 可能越黎越冇人睇, 乜心機都冇.... 聽日星期六好想去玩呀, 不過可能要等下個星期三先有人陪我去, 不過今個月中都會去多次. 3/7 今日係公司開左六粒鐘既會. 真係坐都坐都人都顛. 1/7 今日係回歸日都要返公司開會, 不過今日都有五十萬香港人上街遊行. 咪就係為左23條, 我當然都係反對23條立法, 雖然冇去遊行, 不過我有著黑色衫...... 22/6 近月尾就係咁慘嫁啦, 星期六晚都冇去玩, 不過28號可能係灣仔有LIVE BAND, 所以唔知會唔會去呢?? 21/6 加左D BB相, 去睇下啦! 17/6 今日終於有日唔洗OT, cheer~~ 15/6 尋晚去灣仔玩都幾唔開心既一次, 仲要有拗叫添. 10/6 今日加左d rave party資料, 快D去睇下啦, 星期六應該都會去玩. 2/6 聽日好想去灣仔呀, 有冇人陪我去呀.... 26/5 尋日影左D我表姐個女既相, 加左係我個網頁入面, 你地去睇下啦, 好可愛嫁!!!!! 20/5我新加左DISCO一個Pages只要click上面個圖就入到去!! 19/5 日日都好忙好多會開, 好煩日日都做唔倒自己野. 18/5 媽咪生日去左麗豪食自助餐, 好抵食呀, $150位, 過左$1500蚊仲有一晚住宿送, 仲有每兩個大人送一個蛋糕添呀. 17/5 去左灣仔玩, 真係好正, 有好多人著睡衣, 醫生, 護士衫等等... 16/5 聽日一定要去灣仔玩下, 飲下野輕鬆下. 15/5 呢排係公司簡直忙到飛起, 今日仲有單好大獲既野添, 真係覺得越黎越大壓力. 8/5 佛誕放假係屋企睇左兩套碟, 仲轉左個清新既版面. YEAH! 7/5 比我發現左我去開跳舞既灣仔Mes Amis既網頁入面可以睇倒現場情況, 你地都可以去睇下嫁, 或者下次有機會睇倒我係鏡頭入面, 哈http://www.mesamis.com.hk/wanchai_webcam.html# 1/5 勞動節有一日假放, 都係為亞冰生日去大尾篤BBQ! 30/4 今日會去灣仔為我好朋友亞冰預祝生日! 20/4 今日約左D舊同事食晚飯, 都好耐冇見啦. 19/4 揀錯日子去灣仔, 都唔係太多人, 不過都飲得好辛苦呀, 返到屋企嘔呀, 下次一次唔再飲咁多. 13/4 真係好耐冇理過我個homepage, 因為己經冇人睇冇人留言.... >_<, 我唸下個星期六會去灣仔. 12/4 今日同左同事去BBQ. 5/4 我覺得今晚好好玩, 去灣仔跳舞係我最愛. 2/4 好耐都冇UPDATE, 因為香港搞成咁, 都冇乜心機整網頁, 希望非典型肺炎快D消失. 31/3 星期日去左灣仔, 因為有國際欖球賽既關係, 前所未有咁多人好好玩. 18/3 好耐冇update過個homepage啦, 因為可能冇乜人黎參觀. 希望各位可以forward一下我個homepage啦! thank you 14/3 我去完7日泰國返左黎啦, 呢次旅行玩得好開心呀, 最鍾意既就係潛水, 布吉D海灘真係真係好靚, 有睇倒女人show 同 人妖show, 但係我最想睇既一枝獨秀就冇得睇. 4/3 仲有4日就去泰國啦. Yeah~~ 3/3 我加左好多新遊戲呀. 23/2 好耐冇update個網頁啦. 22/2 有3個friend生日呀, 要準備禮物先. 15/2 終於報左名啦, 3月8號出發, 總共有5個人去, 快D到3月就好啦 6/2 好野, 3月可以去旅行lu, 聽日會睇下邊日可以出發. 詳情就入去我上面果個泰國綱頁睇下啦. 有興趣一齊既朋友的通知我啦. 4/2 新年後第一日返工, 都冇野做, 悶到d時間好難過. 2/2 睇007值回票價. 1/2 恭喜發財!! 尋晚去左維園之後落灣仔再去旺角花壚. 31/1 今晚會去維園呀!! 28/1 今日頭痛冇返工呀, 係屋企休息一日. 24/1 仲有一日年假要係今年放埋, 所以今日放假係屋企睇碟同埋訓覺 18/1 好野!! 終於換左個新電腦啦, 仲有聲添呀!! 嘻嘻, 而家最想就係可以有錢去電髮!! 8/1 今日覆左診啦, 醫生話洗多幾次傷口就得啦, 整左個新春版! 1/1 新年快樂! 好耐冇update我個homepage啦, 我做完手術係有d發炎, 其他都冇大外啦. 一切都幾好. 23/12 聽朝我一早就入醫院啦. 22/12 今晚過冬去亞爺屋企食飯. 21/12 今年聖誕冇得出去, 唯有預早去睇下燈飾, 去左尖沙咀行左一陣之後成班friend去左cyber, 係第一次去呢d咁既disco, 十分之唔鍾意, 見識完以後都唔考慮再去. 19/12 尋日鍾意用倒部scanner, 聽日要去覆診呀.... 18/12 亞moon同我補祝生日去左沙田食飯, 我仲買埋隻郭富城空手道cd. 16/12 買左部陳列品既scanner, 不過好似唔work呀, 聽日要拎返去豐澤check下先. 仲有郭富城出左碟啦, 聽日買埋先. 14/12 等左今日好耐, 好耐冇落灣仔玩, 我個個朋友都對我好好同埋個個都好豪添, 好開心呀, 仲見倒兩個靚仔鬼仔, 有個好似碧咸添呀. 11/12 今日我生日呀, 同左幾個好朋友去左唱k, 我好開心呀, 仲好期待星期六佢地會再同我去灣仔慶祝. 多謝我所有朋友! 6/12 公司呢排都好忙, 近年尾會越來越忙, 我都好膽心放兩個星期假做手術呀. 3/12 嘻嘻!!今日收左好多利是呀. 29/11 我整左個清純版. 28/11 好似好多日冇update過我個homepage啦! 今日考試呀, 好瘀皮, 得34/90分咋. 下個星期一最後一堂又係考試呀, 我實唔會再返啦. 20/11 亞麻生日去左樂富食飯!! 18/11 今日終於識整冇邊框既gif啦, 好野!!! 15/11 睇左醫生都應該決定左係做手術, 都同公司講左24後要放成兩個星期假, 不過好彩老闆話唔急既野等我返黎先做, 起碼保住個飯碗先. 14/11 又做逃學威龍, 不過我都係早走左少少之後去左飲野一陣咋!! 12/11 今日大口仔加左個新版, 快d去睇下啦, 有flash好靚嫁! 10/11 小馬今日擺滿月酒, BB仔真係煩, 成日都哭, 遲D要係度住都唔知點算!! 9/11 豪MON風雲請我地去飲茶, 我仲染左頭髮添 5/11 屎王終於請到我去郭富城間餐廳啦, 不過好似同以前唔同左, 平左又細左, 不過可以去郭富城度已經好滿足!! 3/11 今日仲訓得多呀, 而家訓到個頭好痛呀>.< 2/11 玩左兩日唔想再出街啦, 所以選擇左留係屋企. 1/11 訓到三點幾開始安排今日既燒野食行動, 後來去左大尾篤燒到十點幾, 辛勞左兩日聽日就要返工啦. 31/10 萬眾期待既萬聖節, 我去左灣仔可能太早既關係冇乜人, 但到左12點左右好多人, 大家都玩得好開心, 返到屋企都6點幾. 26/10 Happy birthday to Aaron!!!今日我honey郭富城生日. 原來星期四果晚包晒成間餐廳果個係城城呀. 我同佢緣慳一面, 早知我等佢啦. ........不過唔緊要啦, 今晚我會去佢屋企同佢慶祝生日, 我打算將我送比佢. 嘻嘻^_^ 24/10 今日"屎王"應承同我郭富城間餐廳studio workshop & cafe食晚飯, 點知去倒比人包左成個場, 我失望離去, 之後咪去左gili gulu食左一陣野返歸.......好傷心呀 22/10 我今日又加左game呀, 聽日要返大陸呀, 唔知幾點可以返黎呢? 18/10 今日有兩個壞消息 - (1)一早去"咁"機拿錢, 張卡又比架機食左, 最衰係要兩個星期先補返比我, 31號萬聖誕都唔知拿唔拿倒錢. (2)去左覆診呀, 決定左平安夜要做手術呀, 要割左個膽呀, 仲要簡左平安夜. 本來醫生簡12月12日, 不過我唔想生日第二日要去做手術啦, 之後佢又要簡24號喎, 唉...........呢個聖誕要係醫院過啦, 冇得去玩啦. 到時唔知31日除夕可唔可以出得去玩呢? :( 16/10 加左好多game呀, 去玩啦. 15/10 今日加左個心理測驗, 大家去玩下啦, 我覺得都幾準. 我而家落街做facial啦, cu. 14/10 放假冇街去, 唯有係屋企整網頁, 記得click去骷髏頭睇睇萬聖誕版. 仲有index既日語版. 嘻嘻 13/10 今日加左好多郭富城既相係SUPERSTAR入面, 大家得閒就去睇啦. 唔得閒都要睇呀!! 12/10 表姐個BB小馬今日出左世呀. 去左醫院探佢, 隻隻BB都一樣樣, 好細粒. 11/10 我好比心機update左個homepage呀. 10/10 我覺得返學都係似次次混混鱷鱷, 唉, 都仲有排讀..........聽日DD生日, 生日快樂!! 8/10 今日去左沙田食呢個咖哩蟹, 正!! 不過咁就洗左成舊水啦..... 7/10 今日突然有測驗, 考52題其中有1題我係識嫁, 其他就真係冇一題知佢講乜, 唉......都唔知讀黎做乜??? 6/10 今日我個妹比人地隻狗咬個鼻呀, 不過都冇乜事, 好彩我地隻囡囡冇咁曳. 5/10 尋晚去完灣仔再去旺角唱k, 訓得兩粒半鐘又要返公, 今晚要早d訓先. 1/10 今日為MonMon整左板佢今個月既新寵Feerero, 記得去superstar睇啦. 中英文板都唔同嫁, 另外祝Joewy生日快樂!!大家國慶快樂!!!!!yeah 30/9 禮拜日又係糧尾, 當然係留係屋企啦. 29/9 好眼訓既關係, 係屋企訓左好耐. 2/10先有得出糧, 快d到啦!! 28/9 落左soho, 冇乜特別, 係第日要返工, 好似夜左d. 26/9 今晚返學我覺得呢個miss好過上次個亞sir, 希望我會繼雄聽得明佢講咩啦! 25/9 聽日要返學呀, 而家逢一四要返採購, 好慘呀, 好後悔讀, 都唔同level. 總之好慘!!!! 24/9 我唔開心呀..........:( 23/9 返學好難呀, 好辛苦呀........ 22/9 號外!號外!尋日我去左係尖沙咀喜來登既郭富城簽名會, 我終於可以完成我多年來既夢想, 就係可以同我既城城面貼面影左張相, 我簡真係死而無憾. 好開心好開心好開心!!!!!!!!!!!!!!!!!!!!!!!!!!!!!!^_^ 21/9 中秋節快樂! 我今晚去灣仔玩. 19/7 我自製左好多gif, 我會繼續努力. 17/9 我終於搞掂個ulead gif animator, d閃閃野全部係我自己整嫁, yeah!!! 15/9 今晚Tammy走啦, 去蘇格蘭升學. 去左銅鑼灣Pokka Cafe食野, 我好鍾意果個蜜糖麵包呀..... 14/9 禮拜六冇節目, 租左珍珠港睇, 好羨慕個女主角有兩個咁靚仔既男朋友. 11/9 打八號風球提早放工. 9/9 轉個應節版 8/9 尋晚都唔係好夜返, 不過今日就訓左好耐, 今日終於upload倒所有photo同games, 完成啦!!^_^ 7/9 今晚會落bar玩, 係被迫嫁.......因為好窮, 個手提停左兩日呀. 真係慘, 乜人都搵唔倒 6/9 終於放倒photo啦, 多謝浪及quncy教我. Thank you! 2/9 唉.....geocities冇位放我照片果part呀.......點先可以繼續upload多d野呀?? 31/8 終於完成照片果part啦 28/8 要返大陸廠, 好熱好迫好多人又晒喎........慘 24/8 我好朋友Mon 27號生日, 預祝佢生日去左灣仔Joebanana慶祝, 雖然有軍艦到港, 但係都冇靚仔, 失敗失敗! 23/8 我加左測面個meun呀........ 21/8 新加左留言板, 唔該多d留言比我. ~_~ 19/8 完成爆笑圖片篇. 18/8 睇左"絕世好B", 都幾好笑呀^_^ 17/8 尋日冇返工, 去左physical做gym, 今日好累呀.....腰酸背痛!!! 15/8 同幾個朋友去食飯!! cool~~~ 11/8 星期日通常都係係屋企發霉 10/8 同個friend去左睇MIB2, 覺得OK la, 不過冇第一集咁好睇, 睇完戲之後落左bar, 好開心的一晚. 7/8 因為尋日返左大陸, 差d唔記得今日係7/8號, 唔記得去覆診, 好彩最後都趕得切去睇醫生 6/8 返左大陸工幹一天 5/8 今日因某事唔開心, 相信明天會更好 3/8 經過今日既努力, 網頁終於面世!!!!!!!!!!!!!!!!!!! 2/8 停工一天 1/8 冇乜成果, 為有執靚少少咋 31/7 好唔開心, 都係冇乜心機啦 30/7 冇乜心情整啦.............>_< 29/7 今日又完成左生肖啦, 嘻嘻!! 28/7 終於做完十二星座啦, 好開心 ^_^ 27/7 開始做十二星座果part啦. (今日有新的開始, 好sweet) 26/7 做完血型果part啦 25/7 今日整黎整去都冇進展既.......都唔靚 24/7 終於叫有少少野睇睇 23/7 我第一次學人整網頁, 完來都好難呀. 22/7 format完部機, 乜野software都冇, 我想要photoshop6.0 同flash MX呀