2003 年 04 月 28 日 星期一 【晴】

尋晚EDWIN 訓得唔好呀.....晒完之後, 佢話成身痛痛呀....仲有之前整親o個度又痛喎...真係慘慘....>.< 今日我又好早返到去喇....見到阿gil 包住左隻右手喎...原來又係踢波整親....真係慘.!

!oral 堂...外籍o個個mrs.atkinson 又冇返喎....搵左個肥師奶唻代課...嘩...o個個人話自己有master 囉..仲要係英文o既master 喎....d speaking english 真係攞命....好彩jonathan o個兩堂冇返....如果唔係o個個miss 一定俾佢窒到冇聲出呀...^^

中文堂梁sir 又冇返喎....攪到頭3堂都係無聊堂....之後o既chem 堂...嘩...我好留心聽書呀...好乖乖呀!!recess 之後o既double phy 堂都好留心呀...雖然我已經好眼訓但都有挨落去呀!!!!^^

music 堂之後. 本身可以放學...但我地班要做埋最尾o個個TAS 實驗呀...攪到要食完飯再返去...2點半開始做到4點先走得.... 嘩....一路做lab...一路俾蚊狂咬呀.....痕到傻呀!!!>.< 做完lab ....就搭車車返屋企o勒...訓左一陣....

樓下阿伯話今晚冇食水喎...就叫媽媽唔好煮飯叫pizza 返唻食o勒.....仲好早就沖晒涼添呀! ^^

今晚edwin 要返學呀......我就o係屋企攪掂左份中文閱讀報告o勒...本身星期五交o架...今日就俾我攪掂左lu.....犀利!!!!^^