30.05.2003 Fri.

今朝於成功起到身....可以搭到小巴....趕得切o係7點半返到去喇....^^ 不過....返到學校, 勁肚痛呀...>.< 去廁所去左好耐呀......攪到7點10先落去on duty.....仲俾另一個prefect 話我唔識看班....因為我唔o係度o個時....佢地成班人勁去廁所呀.....可能真係我o既問題啦......但我覺得我o係度o個時俾佢地去廁所, 都係唔想末煞佢地最基本o既需要o既自由jei......希望佢地都識珍惜啦....唔好好似班form 3 咁....佢地宜家有咩唔o岩...我真係唔會再同佢地客氣..!!!!今日第一個小息.....有個我留意左佢好耐o既專攪事...想俾人捉o既女同學.....竟然o係我面前冇戴口罩喎...我叫佢冇左就問人借啦....佢又唔多理我喎...到我搵人back up....叫埋miss 程過唻....佢竟然又話有喎...我唔理呀..我已經叫左miss 程lor.....收唔返.....咁梗係同佢玩大佢啦....我驚佢咩呀!!!我唔係好蝦o架.....我之前咁「仁慈」(阿立成日都係咁話我..阿立係我阿head) 咁對佢地....佢地唔識珍惜...個結果就會係咁.....唔可以怪我...

上上下英文堂....聽到梁sir 又好大聲咁鬧隔離班form 4 喇.....好犀利呀!!!!先係一下好好好大聲o既拍(木台) 聲之後, 就係一連串好大聲o既鬧人聲.....嚇死人呀!!!!>.<

chem 今日test 呀.....雖然叫做溫左書...不過...冇時間去做數呀.....攪到唔係好識...希望合格啦...今次都係預左差o架喇.....下次要叻返先得....^^

今日起....又要戴返晒口罩喇.....放寬左一個禮拜....又要緊返lu.....>.< 鬼叫校長「坳底」咩....不過...唔緊要..對我唻講都冇咩野.....咪都係咁....

放左學...打過俾edwin...佢同事話佢去左interview...咁我就冇再搵過佢lu......之後, 就o係度做功課....到到6點度...我見佢咁耐都未打過唻...我就再打多次去o勒...今次係佢聽喇...^^ 講左兩句...就收左線喇....因為費時阻住做野啦...^^

我跟住又走左去訓覺覺...訓到7點幾8點.....食完飯...睇完電視....見edwin 仲未打過電話唻喎....到到9點幾....我就又打俾佢o勒...原來佢o岩o岩踢完波...去緊食飯喎...我都唔知佢今晚踢波添......雖然話好似個個禮拜五都係去踢波.....但有時唔係o架嘛..所以我就冇諗過佢原來去左踢波o勒.....

31.5.2003 0000--edwin 仲未有電話唻呀!