笨人笨事

近日瀏覽she.com既message board, 其中一個討論題係生活中一些笨人笨事, 見到好多網友將佢地d生活瘀事寫出黎, 其中好多真係超搞笑, 平日自己都係一個好迷糊既人黎, 估唔到原來好多人都係咁, 大家都黎開心下, 睇下有冇d曾經發生響你/朋友身上既? ^^ 

年初一, 老豆俾利是看更, 看更祝我地"多謝, 恭喜發財", 我daddy話"唔好咁講!!!" 
佢其實想話"唔好客氣"！

年初一去拜年, 有個唔熟既親戚比利是我, 我係想講"多謝",但唔知發咩癲講左"唔該晒".

有一次約左個朋友去街,佢黎到我樓下等我,死啦.....人地未準備好架嘛....咁就0係電話度同佢講.. 
我 "唔好意思呀,要你等多我一陣呀..!!" 
我朋友 "唔緊要...唔駛急,不過最緊要快!!" 
我 "................." 

換好衫出街個時,
唔知點解周身唔聚財, 
但因為趕時間.唔理咁多啦, 
點知上左巴士既時候,
隔離位個好心女士同我講, 
"小姐呀,你件褸入面攝左個衣架係度呀" 

訓導主任因為想sportday快啲完, 所以開咪叫:正在進行比賽嘅運動員請儘快完成所有賽事！ 
佢講完呢一句之後, 嗰班跑3000米跑死半死嘅運動員就有幾個仆低咗。

我上個星期o既某日去某 VCD Shop 想買“許志安”演唱會 VCD, 我問個 sales：「唔該, 請問有無“許志安”演唱會 VCD 呀？」(跟住個 sales 好似好醒目咁答：「有，跟我o黎o丫！」跟住個 sales 拎起一隻 VCD 同我講：「o拿！“許志安” 呀！」) 跟住我同返個 sales 講：「呢隻係......... 劉德華啊！」

大家都知swatch出0左隻心心ring好靚, 前兩日我經過swatch就入去睇下啦, 個sales姐姐見我好似搵野咁就問啦"有咩幫到你??" 
本應我會話"唔該...可唔可以比隻心心戒指比我睇下?" 
點知我一呀大個口就話"媽咪呀!!(大家靜0左兩秒).....可唔可以比隻心心戒指比我睇下?" 

上年睇concert 時 fing 塋光棒,
我果支唔夠隔離果個人支咁大, 
就咁比佢"亨"斷左~ 
得返支柄...........

我男友有一次話某人:"牛咁大隻龜,仲咁低能" 
其實佢想講"牛龜咁大隻..." 

前晚我呀爸去入油, 同個職員講, "300蚊無油丫", 個職員話"下?", 我呀爸再話 "300蚊無油呀". 原來佢將無鉛講做無油, 我同媽咪笑餐死. 

阿哥細個時同姑媽去街...行行0下阿哥話唔見左副眼鏡...兩個人好緊張...沿住條路返轉頭搵...後尾發覺個眼鏡仲0係阿哥塊面度

果時好興孟波, 一上小巴係咁同d fr講到唔停口, 到我屋企附近, 我衝口而出話 "城市獵人 有落!"仲要大大聲, 笑到我個fr呀! 
(其實應該話城市花園有落至真) 

有一次我急步趕緊路既時候, 行下下發現兩腳行得唔係咁順, 應該話唔係咁平衡.....回頭一望, 遠處見到一個鞋印....再睇真D...原來~~~~~~~~~~~~~~~~~是我隻鞋既鞋底.....

我：你阿哥你男定女... 
同事甲：你想我點答你呀？？ 
其實我係想問, 佢阿哥排第一/第二, 因為我知道佢有一哥哥, 一個姐姐, 點知... 

有一次,成家人搭綠色van,沿途風景好靚(深井至汀九段),空氣又好, 又好太陽...跟住我細佬用左個四字詞語話 :"嘩!今日真係玉樹臨風!!!" 攪到成車都係度笑!!! 
*其實佢因為見到d樹俾風吹到搖得好勁!!!
又係我細佬, 佢一次係越南餐廳食飯, 通常會有一碟魚露, 點知我地用晒, 佢就同個waitress講 :唔該, 俾多一碟甘露我呀！！                                  

有次去醫院探訪, 做完野去廁所小完便要沖水, 見到有條橙色繩響天花板吊落o黎, 以為個水掣方便病人所以咁鮮色, 點知拉完無反應, 跟住頭頂有'眼'燈著左, 哈, 完來我拉錯左個平安鐘, 出到去有個職員走黎問咩事, 搞到我閃都閃唔切.

年幾前﹐有個女仔friend由外國返HK放假,去CD Shop 幫她男友買CD﹐ 咁她問SALES﹕"你0地有無VIP隻碟﹖" 
Sales﹕VIP﹖邊個0黎0架﹖外國0架﹖" 
friend﹕"唔系呀﹐HK0架﹐好似有首歌叫 “忘我”...." 
Sales﹕"um..." 
跟住個SALES諗左一陣然後就俾0左隻CD我個friend﹐然後話“我諗你想要0既呢隻﹐你睇睇0丫﹗”
我個friend 望0下隻碟, 原來0係 VRF 0既 "妄想"﹗ 

我都試過有朝係mcdonald 買早餐,  我同個staff 講 "唔該我要麥當勞全餐"... 佢個樣呆呆地, 我明明講左, 佢又問多次我要咩.. 咁我話" 我要麥當勞全餐呀. 好似豬柳蛋飽, 但分開上果隻呢.." 
跟住佢話返俾我知果個叫"早晨全餐".. 勁瘀皮.. 

我有個馬來西亞同事坐係我對面, O岩O岩同個vendor 返埋左位, 諗住攞卡片比佢, 因為佢張枱好亂, 所以佢話:"我張枱好亂, 你唔可以介意" 
咁我望一望個vendor o既反應, 再望住個同事, 個同事用一個疑惑o既眼神望住我, 我忍唔住笑咁話:"你係唔係想話--我張枱好亂, 你唔'好'介意." 跟住附近o既同事都忍唔住一齊笑. 

有次有個人問我路... 
跟住佢問完我, 
我竟然同佢講「好啦, 唔該晒」 

話說有個男仔同班朋友返大陸玩,搭o個d公巴,超迫人,個男仔企o係個阿伯隔離,由於人太迫,個伯伯同個男仔迫埋一齊,個伯伯仲挨住個男仔添,後來個男仔頂唔順,開口話個伯伯,佢d普通話真係........"你不要愛(挨)我,你愛(挨)我愛(挨)得我好辛苦(幸福)",個伯伯當堂單開幾米遠(雖然好迫),而成車人就笑到收唔到聲,真係超攪笑

又係o個個朋友同佢去行街,o係間鋪頭睇o岩條裙,我個friend 竟然問個sales 條裙係o米有"彈弓",個sales"......" 
其實佢想問係o米有"橡根"囉.....

有次一路shopping一路行去某越南餐廳,  由於真係好餓,  其中一個friend途中買左個雪糕筒食, 入到餐廳, waitress話唔可以食外面野, 但其實當時連食雪糕個friend都睇緊menu 
我地話"咁食緊bor, 可以點樣?" 
個waitress竟然妙到話俾個袋佢裝住先wor, 咁我地咪走lor

有次替一個男性朋友拿部相機去維修.服務員Check左張單, 然後問: 機主xxx係位先生黎個喎. 
我竟然答: 佢唔係我先生, 我地係普通朋友. 
勁'魚' 

上年, 同個唔係好熟o既朋友傾開,  
我問:有冇睇過"流星花園"呀? 
朋友:冇呀!不過聽講最近好Hit播!．．．o係邊區架? 
我：．．．．．

0個時都十六.七歲...唔細囉...有一次年三十晚玩通頂...跟住年初一朝早再去其中一個friend屋企坐...阿伯母都0係度...當時個個捱完通宵"金睛火眼"...唯獨是呢個friend仲精神奕奕...我就話:「你好似迴光返照咁呀!」我以為呢四個字係形容人辛苦完仍然好精神...伯母即刻話:「.呢d野唔講得架!」我仲要話:「0下??點解唔講得??」好彩阿伯母冇用掃把攀我走...

中學時我日日都去買甜痴飯. 
有一日morning去買, 
我話: 唔該甜豆漿唔要炸菜. 
佢話: 我地d豆漿冇炸菜架渦. 
我話: 有架, 我食幾次都有. 總之我要甜豆漿唔要炸菜啦... 
後來諗下先知我係要甜痴飯唔要炸菜....

1. 我order「熱杏仁霜少甜」，茶餐廳哥仔同我講﹕「你鍾意幾甜就幾甜啦，自己落糖架。」 
2. 我﹕「凍紅豆冰呀，唔該。」侍仔﹕「冇熱架。」

同班朋友行緊去食飯...摸0下隻錶...唔見左塊錶面...原來甩左...食完飯跟著打牌...打打0下睇時間...0下??連支針都唔見埋...

去M記成日聽到日話要雪糕多醬多花生, 有次聽到個人仲厚頻無恥咁話如果可以多埋雪糕就好喇, 跟住個職員話"咁要買多杯至得喇!", 跟住條友面都紅晒走左!!

有一次趕時間跳上的士, 同個的士司機講：「金星碼頭丫唔該。」 
個司機即刻擰轉身同我講：「嘩！乜去到咁遠呀, 乜地球好危險咩？？」 

先幾年, 我仲用緊motorola龜仔, 有一次我在大學的pc房做功課, 掛住望住個mon, 點之將個電話當o左mouse用.....仲俾groupmate睇到....

有次係salon 剪髮 
洗頭時聽到隔離位有以下對答 
junior: 小姐﹐有冇覺邊到痕呀? 
師奶: 平時隔一日唔洗頭就會好痕架喇 
junior:......