主旨: Re: 婚禮上的一百蚊紙


 

說得很對, 所以我會想以後就不以貌取人, 是根據以心換心的方法去認識身邊的朋友.  所以請大家公平地對待別人吧!.

 
主旨: 婚禮上的一百蚊紙


 

前日參加左一個婚禮(天主教儀式)神父在彌撒當中,用一張一百蚊紙做了個
比喻,我自己聽左,好想同大家分享下,神父手持一張直版的一百蚊紙舉起問大家:
『邊個想要???』冇人出聲。
  
神父:『唔駛怕羞喎,真架喎,邊個想要就舉手啦∼』全場大約三分一人舉
手,神父將呢張一百蚊紙渣埋一舊,再打開問:『而家有冇人想要?』仍然有人舉手,
但少了差不多一倍,神父再將呢張一百蚊紙放係地下,踩了幾下,拾起來打開,問大家
:『咁仲有冇人要呢?』全場只有三、四人舉手,神父請了一位男士上台,把一百元給
了這位男士,說這位男士是三次也有舉手的,當全場大笑時,神父示意大家安靜,向新
郎哥說:『你今天迎娶呢位心愛既女士,就如一張直版既一百蚊紙,歲月加上辛勞,就
如殘破的一百蚊紙一樣,令到起初寵愛的人,變了心,事實上,呢一百蚊紙仍然係一百
蚊,它的價值是完全沒有改變的,希望你可以好似呢位男士一樣,懂得真正的價值和意
義,唔好比外表帶領你行人生路呀!』