暗黑開賽冇耐，即刻有個好開始，先由TONY哥引球推進，再扭過對方守衛，然後左腳勁射破網，暗黑領先一球，但暗黑開心唔夠五分鐘，暗黑因後防排位發生誤會，導致CHRIS擺老烏，雙方又作由頭開始。比賽中段，TONY哥接應LEO兄的界外球射入，但好景不常，球証居然判入球為炸糊，令暗黑球員失望而回，接著，愛華頓照辦煮碗，結果暗黑落後一球完半場。

換邊之後，暗黑運勢依然未有好轉，RYAN.M同對方在自己禁區內爭位之下，對方前鋒跌在地上，球証嗚雞吹罰點球，對方勁射破網，暗黑落後３：１，之後暗黑全力反攻，希望能盡快收復失地，但對方防守嚴密，暗黑幾經辛苦，才搵出缺口，先由LEO兄銅頭一搖，將皮球硬頂入網，之後，暗黑不斷攻門，TONY哥再次接應傳球，走過靓位，巧妙地將皮球送入網，比數成三比三，領雙方又要作從頭開始過，但天意弄人，暗黑平手後，就似中上魔咒，一連氣輸了四球，而且四球入波方式接近，足球就是這樣，結果暗黑7比3輸掉了•••

勝敗乃兵家常事