泰國遊(4)之spa篇

除左飲飲食食之外, 做spa同埋thai massage都係遊泰國既指定動作.  今次我就響曼谷同華欣都各搞左一次.

我地響bangkok本來想幫趁dusit thai hotel入面既devarana, 不過我地想book既時間已經full左, 於是轉呔去pathumwan princess hotel既tantara spa.  聽講間野好新, 開張無耐, 格局唔係好grand果種, 室內佈置以啡同白色為主, 舒服自然, 尤其是更衣室同休息室, 比到人好relax既感覺.  不過間按摩房就唔係好得, 除左窗都無一隻之外, 度門係無得鎖既, 非常無安全感.  我間房度門仲要係”神神地”既, 入左去一陣, 比我發現佢無端端彈開左少少, 卒之要搵張椅頂住度門先得安心.

我做左個package係body wrap + massage.  個wrap係混合埋scrub, 搽完泥漿之後響你身上撤粗鹽, 然後再包實, 當時覺得真係幾似”鹽焗雞” :p.  沖身之後就到massage, 你可以響佢地咁多種massage入面揀一種, 我揀左佢地推薦既combination of swedish & thai style, 配合埋自選香薰油, 都算唔錯.  就係咁, 我就乖乖奉獻左$650.

Thai massage呢, 我地響bangkok就去左好多人都話好既body tune, 發覺果然名不虛傳, 師傅手勢純熟, 服務亦非常專業.  不過個人覺得腳底按摩麻麻, 唔覺好舒服; 泰式按摩就very good.  收費: thai massage 2 hr 550 bahts; feet reflexology 1 hr 330 bahts.  最好先做reservation, 我地walk in去到差d無得做.

響華欣又做過一次thai massage, 間野門面裝修都幾靚, 收費亦比body tune平, 不過水準差幾皮, d師傅好唔專業, 敷衍下d鬼佬就或者得既.

原本無諗住再做spa, 事關真係幾貴, 但係唔知點解去到華欣之後又身痕, 仲神推鬼”own”咁揀左marriot…….. 不過佢貴得有道理, 唔係講佢既服務同產品, 而係佢個環境, 真係無敵.  基本上個spa係一個庭園, d按摩房係一間間hut咁, 樓底成兩層高, 房入面既沖身設施包括shower同埋bath tub都係露天既, 好搞鬼.  按摩房同出面既庭園只係一簾之隔, 同佢播d夾雜住雀仔聲既輕音樂, 真係非常之夾, 就算明知係假, 都極度enjoy.  我出盡九牛二虎之力同睡魔對抗, 費時訓著左就蝕大本, 好彩幸保不失. J  更搞鬼既係個洗手間用天然光, 我成八點先完事, 天都黑晒, 搞到要摸黑咁去洗手間. 

要彈既地方係個body wrap非常難洗, 搞左好耐都沖唔甩; 仲有個師傅都幾八卦, 佢唔知點解對我既年齡好有興趣.  我一入到房佢已經話覺得我好young, 過程之中又講左幾次, 最後完事時終於忍唔住間接地問我幾多歲……… 比佢激死...........

成個trip最貴就係做spa, 真係財散人安樂~~~~

Spa 入口

好搞鬼既露天bath tub