泰國遊(5)之華欣篇

其實今次呢個trip主要係想去陽光海灘, bangkok只係配角, hua hin先係重點.  不過一來出發之前比較忙, 二來又”大安旨意”, 諗住hua hin大把住宿, 所以並無響香港訂定hua hin既酒店.  到達bangkok之後搵travel agents先知衰, 問左好幾間都話hua hin既酒店full晒, 但係我又好厭惡bangkok人多車多又迫又嘈, 留左兩日已經好想快d走, 於是諗住不顧一切咁落到去hua hin先算 (斷估唔駛訓街掛). 

好彩, 就響第二日比我撞到有間travel agent幫我搵到酒店.  講真, 我都好懷疑點解間間都話無, 得佢一間話有, 而佢offer果間所謂酒店我又未聽過既, 不過佢話間酒店有泳池架喎 (呢個係我既唯一要求).  我諗住點都好過去到先搵d guest house, 於是又博一博, 照殺. 

比錢果陣都有一段小插曲.  話說我book四晚酒店, 都成千幾蚊港紙, 咁就梗係碌卡啦; 點知佢竟然要收4% charge, 咁就梗係唔制啦.  之但係我又無咁多泰銖響身bor, 於是佢就叫我比住2000 bahts deposit先, 換完錢再返去比埋尾數.  雖然我其實緊緊夠比2000 bahts, 不過講到落訂喇喎, 就梗係要扭下計架啦, 所以咪話我連2000 bahts都無囉.  當時我諗住叫佢唔好收我credit card charge, 就算佢唔制, 大不了我去附近銀行換完錢先返去, 都無理由比deposit架嘛.  點知旁邊一個狀似老闆娘既物體響呢個時候插嘴, 話同我換錢, 跟手就響夾萬度拿一疊銀紙出黎.  我第一個反應就梗係問兌幾多先, 佢話5.5, 即係比一般銀行同兌換店都高添, 於是就咁成交.  不過, 事後我比個fd埋怨, 話個rate好過出面, 我應該同佢換多d添喎. :p

去到hua hin, 發現間酒店takiah beach resort位置比較隔涉, 而且個所謂泳池又細到無倫, 終於我住咁多日都無落過去.

酒店房間

不過又好好彩, 間酒店真係好近沙灘, 行30秒就到, 而且個沙灘比較少人, 樂得清靜. 

搭車出去市中心大約10-15 min, 果度個沙灘喧鬧好多, 我唔係咁鍾意. 

不過咁都未算, 有一晚同個local傾開計, 比佢點左我去cha am (七岩), 佢話果度個沙灘靚過hua hin喎.  點知去到淨係見到人山人海, 又香蕉船又水上電單車咁, 登時走夾唔抖, 拿拿臨搭番車返酒店果邊個沙灘, 簡直有返到屋企既感覺. J

七岩

如是者, 我響hua hin果幾日大部分時間都係響沙灘度游水、曬太陽、睇書同發”牛豆”, 傍晚就出去市中心遊蕩下, 百無聊賴但係又幾滿足. J