回主頁

認識我

名人雋語

睇新野

過癮事

2002 年 3 月

2002 年 4 月

• 2002年3月26日 (星期二) 晚上11時左右
  
  唔好問我發咩顛?  我只係好想再一次updated自己既homepage!  我好想留低我呢一刻既感覺!  我真係好想...
  忘記左自己有幾耐冇updated homepage喇...只係知道係我發生左最多事既時候...我竟然冇寫低佢地...
  
  今日有一個好大好大既笑話...不過唔該比比面...笑少少好喇...就係咁既...我食完晚飯之後...發覺右手手肘好似有d野...所以就轉左隻手睇睇喇...死喇...擦傷左...仲有血tim呀...好就好大場聲呾嗌痛...點知當我諗住去用清水clean下佢既時候發現...原來我以為傷左既地方...只係一d乾左既魚皮...因為我地今日食 "大眼雞" 所以有d似紅色既血...我真係好蠢呀...笑都笑死我喇!
  
  我呢排好忙...工作好繁重...又做得唔係咁好...希望之後可以事事順利喇...
  仲有...我好掛住你...永遠都係!

• 2002年3月27日 (星期三) 晚上12時左右
  
  好支力!  真係好支力，今日我做左VB assignment呀!  做左過6個小時，好辛苦!  好想喊呀!
  好在，今日我食左 "黃金尤魚" 壽司 ， 好好味，我真係好中2食呀!  好正!  不過今日食左5碟jai，平時我起碼食到6碟。  咁點解我今日食唔到呢?  講你知喇 : 就係我第一舊壽司 "卡" 住我條氣，唔係講笑架，我 "卡" 住自己呀，好似透唔到氣咁呀!  幾可憐呀!
  
  之後既我，宜家係屋企發夢，諗左好多野!  我知道我一生之中，唔會再搵到另一個人對我咁好，真係好感激你!  太多太少!

• 2002年3月28日 (星期四) 晚上10時左右
  
  今日我好懶woo，冇幫人補習，改左tmr先去。  唔知點解，我就唔係唔想去補習，唔...可能我真係有d支力啦!
  好開心既一個早上，因為姐姐黎左陪我食飯，係呀，食牛肉早飯呀!  好好味，不過之後就好辛苦law。  我個胃真係好玩野，我真係唔夠佢玩woo!  佢痛到死，令我食左一粒藥都唔得!  慘呀!
  
  有時，我真係唔明白，點解會有d人咁缺德!  唔...佢(地)可能覺得我地之間太好喇，不過我知道，咁樣做只有一個目的，就係太得閒太無聊!  或者，我更加唔明白佢(地)既用意，我諗我同你真係太好太好，惹左咁多人jealous我地!
  
  忙既感覺其實真係唔錯，覺得自己好有用咁呀!  我會好努力，非常努力呀!

• 2002年3月29日 (星期五) 晚上11時左右
  
  忙既感覺仍然存在，又係好忙既一日!  唔...忙到有少少悶呀!  今日去左幫人補習，補左2個半鐘，hehe有錢收喇，好開心!  唔知你有冇野想要呢?  我就會買對鞋，冇喇!
  
  我其實好支力!  我指既係我對自己既生活好支力，我覺得自己好唔長進，係果d呢，好散慢既人呀!  慘!
  
  希望往後的日子可以平平靜靜呀!  希望上天保祐!
  

• 2002年3月30日 (星期六) 晚上1時左右
  
  又下雨了，點解呢排成日都落雨?  好悶呀!  點解冇假期既...點解既?  點解冇咩時間做野咁既?  我真係唔明白呀?
  
  今日既我肚痛得好緊要，我知道，唔係一件小事!  我知道咁痛法一定要去睇醫生!  但係我冇去睇，因為我係一個唔中2睇醫生既人呀!  唔去唔去!  大家有冇見過 v 70 呀?  我有呀，睇下呀，係唔係好正呢!  hehe
  
  今日又食左壽司，好似唯一一樣野可以值得開心既就係有壽司食!  希望大家都可以如期做哂d功課喇!

• 2002年3月31日 (星期日) 下午5時左右
  
  今日係我今世人過得最特別既3月31日，唔知道你地有冇試過等人等左個幾鐘都等唔到既滋味呢?  今日我試過呀!
  今朝我 8點8 出門口，以為約左9點鐘係mtr等，點知出左去先記得好似約左9點半，冇法喇，唯有自己係MTR等你，我一路試下比你，希望你可以早d出門口唔駛我等咁鬼耐，點知呢，無論係打手提定係打屋企電話都唔通woo!  心諗，等多陣喇!  一直係九龍灣既月台等到9點半，就走過去彩虹mtr，都唔見你既，我一直keep住打比你，只係唔通唔通唔通jai!!
  
  咁樣一直到左10點，我就返去九龍灣，諗住返屋企law!  當我返到家既時候就接到你既電話，話對唔住呀，我唔知醒呀!  死得，就係咁樣...我既早上就過去左喇!  其實我唔介意等，只係我唔知道你係做緊野唔記得開電話定係你未起身，我又搵你唔到woo，所以好心急，好心急law!
  
  我仲一見到你就喊tim，都唔知喊咩鬼，可能我知道自己急你又唔知道既感覺難受掛，冇法!  我根本冇嬲你woo!
  
  宜家既我就係學校，咪又係學校law!  好悶呀，不過今日個 lunch好正呀!  好好味!