2001/08/15 PM 11:43:05

開心指數 : 50分 今日唔開心!  點解呢?  因為我冇同美人玩過，因為我媽媽有病，因為我返工得兩個學生上堂，因為我唔舒服，因為... 希望今日既唔開心會成為聽日開心既反彈啦! 不過我都有一樣野開心既，就係幫到小vic vic solve到佢一個電腦上既問題!

2001/08/19 PM 11:49:45

開心指數 : 90分 呢幾日都好忙，忙到自己都唔可以updated自己homepage，今日就有少少時間啦! 講番上星期四先，即係8月16號。 我同美人去左"蜀山傳"，我都幾鐘意張柏芝架，所以都幾好睇呀!  講真woo，呢套戲的確唔錯呀，睇特技一流，睇劇情就九流喇!  點解呢?  好似，套戲一開頭就講呀張柏芝(孤月)同鄭伊健(天宗)係師徒關係，又講師傅張柏芝點解要徒弟鄭伊健離開蜀山找尋"日金輪，月金輪"既威力!  但係好可惜，之後一直冇再講佢點再用"日月金輪"啦!  我個人就非常鐘意"日月金輪"呢樣野，所以好失望呀我!  Anyway，我用25蚊睇，抵!!! 講星期五啦，即係8月17號。  我先去同美人食lunch，因為佢仍然要去藍田返工呀，我咪陪下佢law。好喇，諗住佢仲要過成3個鐘先放工，咪去探下表妹"琳琳朱"law，原來佢要去黃仁曼跳芭蕾舞(好貴)，咁就同佢一齊去啦，同佢玩左一陣又食左麥記，係果3個鐘裡面我未停過行law。  我先發覺原來照顧一個小朋友係幾辛苦啦!  仲有一樣野好好笑呀，我咪同表妹"琳琳朱"搭巴士去跳舞既，佢個同學既媽咪問我係唔係"琳琳朱"個呀媽woo，下...唔係呀!  我何得何能有個4歲既女呀???   跟住講星期六啦，即係8月18號。  一個字啦，慘!  點解呢?  因為我果日會去我三姨bb滿月，所以理所當然地去飲喇! 但係你知喇，星期六woo，我通常都會同美人去街，於是，美人話要去探呀女麻呀!  咪去law，咁就開始左我"黑到死"既一天啦!  首先我等左25分鐘小巴上去順安，前所未有!  跟住食完晏，等27號九巴去旺角，又黎啦，等左成25分鐘都係一架"熱九"，冇計，都要上去!  好啦，諗住探完呀女麻走啦，我去搭1A九巴，又係等左15分鐘，冇車!  又一次冇計啦，又趕時間，咪去搭地鐵law。  你話啦，等了又等! 好啦，到今日啦!  我地同四姨芬姨一齊去游水，之後去左荷理活廣場食野!  好累呀!  跟住一 齊同媽咪去淘大海鮮坊食晚飯!  你知唔知幾攪笑呀，"琳琳朱"佢食食下飯訓左覺呀，佢幾cute呀，對我黎講，今日好充實。

2001/08/24 PM 23:09:05

開心指數 : 95分 呢幾日其實好忙，又去過睇沙灘排球，又去過同吉米Karmen食飯，最重要係唔駛返工喇!!  講真，我呢份所謂既暑期工真係好鬼得閒，但係都唔知點解，都好似好忙咁呀，陰公! 果日去睇沙灘排球，去左維園睇呀，睇第一場由9點睇到1點，不過我同美人睇到一半到就走喇，太太哂喇!!!  好熱，我地已經雪左兩支結成冰"佳得樂"，又有一支"雞骨草"，仲有一支冰水，都唔係好夠飲jai。  本來張飛就只係22蚊一張姐，但係連搭車呀，食野呀，飲野呀，就貴lu!  不過咁woo，我好鐘意個feel呀!  仲哂到我一身"古銅色"呀!!  仲有美人同我兩個燒到好紅既shoulders呀!! 哈哈。

2001/08/26 PM 22:18:26

開心指數 : 90分 今日去左沙田呀!  好累!  好熱!  好哂!  不過都幾好玩woo，我地去左"香港文化博物館 Hong Kong Heritage Museum"，入場費就10蚊，學生半價，一句講哂，低呀!  呢個館係新開既，佢既展覽館內容唔錯呀!  仲有老父子果d漫畫展覽tim呀! 不過，我自己唔小心係屋企撞倒腳，腫左!  個膝蓋呀，好痛!  好笨!