My Diary

6 - 7月  /  8月  /   9 - 10 月  /  11月

31 / 10 今日係Halloween呀... 朝頭早我地真係玩得好開心呀... 如果唔係一個電話,我諗我地會仲開心添架~ 放左學之後,我地首先陪亞WinG去買鞋鞋... 之後3點幾,就去左跑馬地足球場 搵亞YunG佢地.,因為佢地練緊波呀... 踢完波之後,我地就去左亞Jay屋企等 亞YunG換衫出黎...然後夜晚就約埋 PaK Kei , HuGo 出黎据扒... 呢餐飯真係好開心呀...因為 又講又笑,感覺唔錯架... 食完飯之後,我同亞Yan就返屋企lu... 今日最經典0既就係我同亞Yan 交換左 一個好搞笑0既秘密...唔可以同人講架...

30 / 10 今日放左學都冇乜野做0既.... 所以我同左JasOn走左去皇室堡.... 之後我就返左屋企換衫去學樂理lu... 亞WinG講得冇錯架,親戚黎0個時, 真係好黑仔架...因為我今日頭頭碰著黑, 0係琴行又唔見左把遮喎... 我真係真係好嬲呀...估唔到未用到一個月0既野, 就係咁...唔見左0勒....都唔知道有冇用過5次呀...

29 / 10 今日真係真係好開心呀... 神早溜溜就有suprise...好野.... 我唔需要再擔心lu....就咁我就少左一個煩惱0勒~ 放左學之後,我同亞YunG好合拍呀... 打敗左EriC & Jay... 晏d,亞Wing 就陪左我去買袋袋呀...

28 / 10 今日有好多人去左皇室堡玩呀~ 我仲撞到C1B 班0既同學仔添呀~

25 / 10 今日早放呀...所以我地去左咖喱屋食lunch... 本來亞湧係要返工架...不過 佢又唔抵得我地食完野之後去玩喎.... 所以佢搵亞Jay & Yan 做左一d好搞笑0既野... 但係最後咪又係俾老世迫到返工...

24 / 10 本來諗住今日早d返屋企訓覺... 點知MisS PoOn要亞WinG整件衫俾佢個囡... 仲要聽日交添...所以亞WinG今日要去 買材料呀...我做Friend當然要陪佢架啦~ 落完銅記,就去North Point... 之後先返得屋企呀....唉~

23 / 10 哈哈~今日係TaLent TimE 呀... 原來做helper都唔係真係咁慘0者.... 因為可以同Shine & 何韻詩影相呀... 最值得高興0既就係我地所設計0既 T-shirt...得到Prize 2 呀...勁呀~ 所以我地一共有17個人去唱k慶祝... 真係第一次見到呢一個經典0既場合呀~ 夜晚我就去左配眼鏡,我仲同0個個人傾 左好多計添呀~~不過佢都算係幾口嗅架...

22 / 10 今日做死人0勒...放左學之後, 我地就一直企到夜晚0勒....因為 今日係Rehearsal0既日子呀... 雖然真係好辛苦,不過一諗起可以 同一大班同學仔一齊收工,跟住一齊食飯... 哈~乜都抵消晒啦..... 好彩我地0係8點半就放左0者.... 咁樣先可以一齊食飯...嘻嘻~(=^.^=)~ 食完飯之後,我同亞WinG & EriC 行多一陣 銅記先再返屋企呀.....

21 / 10 今日係亞WinG's BirthDay 呀... " Happy BirthDay tO WinG..." 放左學之後,我地就去左買"冷"啦... 去完一間又一間....之後我地最後落左 Chai Wan行...之後就好早就返到屋企lu.....

20 / 10 今日都冇乜野做,學完樂理之後... 就拿拿臨去杏花村0勒... 因為今晚慶祝,食"蕉葉咖喱屋"呀... 然後就返屋企食birthday cake lu...

19 / 10 今日係小妹,我牛一呀..呵呵~ 不過激死我0勒...換唔到身份証呀... 晏d就同MicHeLLe,FiOn & SanDy佢地唱k... 夜晚就同EriC 去左PeaK.... 因為諗諗下,我好似好耐都冇去過lu...

18 / 10 今日放左學,就要即刻開工0勒... 因為好快就夠鐘開始初賽0勒... 完左之後,我地仲影左好多相相添呀... 哈哈~真係好搞笑呀~ Then我就返屋企換衫... 出到銅記0個時,我撞到MisS Liu & WonG呀~ 佢話我地出到線呀...哈哈~真高興.......... 學完日文之後,亞傑陪我呀~ 佢請我食扒扒同甜品呀...哈哈.... 不過可惜仲欠一份禮物呢...

  17 / 10 今日留0係學校整衫0既人比起琴日多... 不過我地都整到5點半...好tired 呀~~

　 16 / 10 今日放左學之後,要留0係學校呀~ 因為我地要開始整我地件衫0勒~ 可惜我地d噴漆唔夠呀.... 所以我地今日好早就收得工0勒~ 然後我再同亞WinG去買材料呀~

15 / 10 今日神早就有"麥當奴叔叔"食..... 哈....真係開心呀~ 放左學, 我地一齊去買材料整衫... 因為今日要學日文呀~買完材料, 食完野都仲有1個鐘頭先夠鐘... 亞wing佢地又話要返屋企... 所以唯有捉住JaSon陪我周圍行... 哈!真係唔好意思0勒~

14 / 10 今日終於調左位0勒... 咁我就唔駛再坐0係門口位0勒~

　 13  / 10 今日特登去搵亞傑,因為我要俾份 禮物佢ma...不過之後都唔知道去邊好... 所以就上左佢屋企放低d野, 然後佢就陪我去食野...因為我今晚食自己呀~ 然後我就返左屋企lu.....

12  / 10 今日好開心呀....同EriC去行街街... 我有好多戰利品呀...嘻嘻~

11 / 10 今日同亞Ken佢地研究點樣設計件衫... 一路食飯, 一路諗點設計... 食完飯之後,我就自己去左Study Room 溫書...差唔多時間,我就去學日文lu...

10 / 10 放左學之後,同Yan , Wing & Carene ... 去左PiZZa Hut 食Tea...我地連個lunch 都冇食呀...都係為左呢一個tea time咋~ 亞Yan叫野食0個時...好師奶架~ tea完之後,,再去維園...then back home lu~

09 / 10 今日放左學,就即刻搭Bobo... 自己一個落銅鑼灣~,再去Study Room... 差唔多4點到...Eric就過左黎搵我呀~ 咁我地咪行銅鑼灣囉....不過都唔知 有咩地方好去0既...? 之後我就返左屋企換衫去學樂理lu... 我今日請MisS食野呀...仲同佢講 我想跳槽去d間琴行學琴添... 梗係啦...我之前學0個間就 $1170... 呢一間只不過係 $ 770 咋...仲唔跳槽咩?

08 / 10 今日放左學之後,就拿拿臨出學校門口lu... 因為我同亞Wing & Zoe去睇戲呀... "我家有隻河東獅"...真係好好睇架... 好感動架....行多一陣街之後... 我就去學日文lu....

07 / 10 今日早放呀...同埋因為又冇乜 書要溫...所以我地去左唱k呀... 亞Ming&亞平都一齊黎埋... 本來都幾開心架...不過我同亞Yan 點歌唱BSB 0既歌...一個話要走, 跟住個個都話要走囉...好無奈呀~ 我地都話"以後都唔同佢地唱K呀..." 我同亞Yan都不知幾嬲呀... 唱完k之後,我就去買亞傑份生日禮物~ 點知0係銀座0個度,撞到亞B喎... 我都唔知俾咩反應佢添...

06 / 10 今日幾搞笑呀...我本來諗住搵亞傑 去灣仔架...不過最後都係去左將軍澳... 去0個度做咩?....哈哈~剩係食左個tea咋... 之後就返去太古行街0勒... 我幾驚會撞到某某人呀.... 去到太古m記,至經典0既就係我同亞傑 玩野,我地分開買新地... 我0個杯真係大過佢0個杯好多好多架.... 哈哈...同人唔同命...而家係玩大細超架0勒~~

30 / 9 今日好唔開心呀...唔知係唔係我黑仔呢...? 夜晚,亞傑明明約左我6點45分架.... 佢居然遲到喎....仲遲左好耐添呀~ 都唔知係唔係蝦我唔見左手提電話呢.... 我又好唔好彩俾電話亭d電話食$$$喎... 等齊人之後,我地就一齊去食韓燒lu..... 食左好耐呀....亞傑仲收到一d 不知所謂0既生日禮物....哈哈~搞笑~

28 / 9 今日去行尖沙咀呀... 我仲整左張"人像素描"添呀... 原來真係好辛苦架... 就算天跌落黎,都唔可以郁... 要乖乖咁坐足9個字呀...呀...想死.... 不過見到自己0個樣,俾人畫出黎... 個感覺真係幾得意0既....所以都好值得...

8  / 9 今日好無聊呀......哈哈 因為我棟左亞傑出黎陪我食tea呀~ 要佢每個禮拜都陪我.....真係唔好意思0勒~

7  / 9 今日momo走0勒...雖然佢會好快就會返黎, 不過唔知點解梗係有d唔捨得0既感覺呢... 我係擔心佢一個人過去有危險呀... 你都知道佢d英文係幾好架啦..........? 我就係驚佢唔識同人溝通呀...唉~ 送完機之後,carey送我返屋企呀~

5 / 9 今日D時間都過得幾開心0既... 放左學之後,MomO 急Call我返CW呀... 點知我地識左兩個女仔呀... 仲一齊玩tim...不過玩玩下, 就發生左一d 好搞笑0既野... 不過為免再有"蘇州屎"出現... 所以我都避開左呢一場劫...

4 / 9 今日0係學校有D唔開心架...唔知點解~ 放左學,好早就返左屋企0勒... 因為要早D返屋企做樂理...點知.... 我記錯時間喎...不過MisS都俾我上堂, 所以由6點上堂上到9點呀... 雖然係3個鐘時間,不過有講有笑... 都算咁耐以黎最開心0既一堂啦~

3 / 9 今日開學0勒...我同亞WinG特登諗住 早D返到學校搵番個靚位架ma... 點知亞浩又遲到喎...衰人黎架 所以迫住坐第一個位...好悲呀~ 放左學之後,同班"寶血人"去唱KK.... 我地仲撞到 KatiE 呀...哈~

2 / 9 今日同左媽咪出左筲箕灣,中環買書.. 痴線架,d書厚到成本字典咁... 買完之後,再同媽咪去太古行... 之後再同EriC落左銅鑼灣... 要媽媽幫我拎D書書返屋企... 真係唔好意思呀....

1 / 9 連續兩日都BB蕉...我都係第一次試, 因為MomO就快走0勒... 所以臨走之前,大家要玩盡佢... 可惜我都係玩得左0個3個鐘咋... 皆因我要學樂理呀,劇度掃興呢~