~小學篇~

  我小學讀0個間學校係唯一一間用國語黎教學既學校---"蘇浙小學"勒...      

  記得入去之前係要行一條傾斜約65度既斜路先至入到去,

仲記得間小食部賣既魚蛋同魚餅係好好味架…

而且買完之後,就要即刻食,未食完或唔食者,都唔駛旨意可以離開到呢間小食部,

因為我地係嚴禁拿野食上班房架...你唔好以為可以偷雞收埋d野0係裙袋或者褲袋啊...

我地0個D糾察隊係會搜身架...所以唔想咁瘀者,就要可免則免啦......                            

仲有呀...講起糾察隊,有時又真係幾好既...                                                                       

想玩捉迷藏?除左去雨天操場就冇其他地方可以去架啦...

所以如果0係條走廊度跑既話,D糾察就可以以佢地0既權力黎叫你0係條走廊度罰企,

要罰幾耐?係D糾察話事架,所以有時係可以罰企罰到成個小息架...

我地學校0既操場係分為最頂同最低0個層,最頂0個層係為六年級而設架,

所以你係1年至5年級0既學生,小息時間想玩....?就要落地下0既操場啦...

講番下我自己0既0野啦...記得0岩0岩升上一年級0個陣,真係有D唔慣,                             

因為唔好忘記D老師係國語人黎架ma...講得多廣東話既話,會俾人鬧架.......

以前第1科唔合格既科目,我仲好記得係~英文~架...0個時係2年級,我仲喊tim呀.....

0個時我背書能力都幾高0既,所以通常要背野0個D科目(社會.科學.中文)都會拎到好高分架...

到左5年級,就唔知點解Maths係勁勁勁差...其他科就好掂喎...氣.....

不過又到左6年級,D Maths 就好番好多0勒,但係就輪到英文係勁差喎...都唔知佢想點...

之所以英文差,所以就入左一間中文學校---寶血女子中學...0勒...