賽事精華 (06/10/2003)

  臨天光瀨尿,最後幾分鐘都頂唔住輸波真係唔底。        

今仗我地喺樂富人造草場與龍城隊初次碰頭,大家都戰戰兢兢,小心翼翼,不容有失。

        開波嘞! 嘩! 阿威底線斬出寶強嚟個倒掛金鈎射中門眉彈出,跟住白毛以插水式頭鎚頂入一比零………..,精彩呢,我作架嘛!! 對唔住,我遲到,第一節乜都睇唔倒,不過比數一對零打和。(0:0)

       第二節我地逆風,經常處於下峰,平時阿威最剎食嘅直線長傳由於逆風關係都一一被對方瓦解,並且經常誤傳,最後終於守唔住俾對手射入阿Dick十指關落後一比零。

       第三節我地轉回順風,攻勢嗰然唔同,有多次射門機會,可惜未能把握,仲有幾次差啲俾人入多兩球,好彩右後防蕃薯非常Fit,瓦解唔少攻勢,仲救咗球空門添!

       終於強攻之下由大吉接應阿Cook轉中撞射攀平一比一,當時距離完場時間大約十分鐘,正當大家鼓其餘勇嘅時候,就俾對手來一個突擊射成二比一完場。唉! 真係慘情!