賽事精華 (04/12/2003)

          終於都明白點解費格遜咁高人工,教練對球隊有幾重要,今場嘅賽果就係佳嘅借鏡。

          首先如果大家有留意出賽名單的話(附件A),都會睇到無乜後備同埋有腳法嘅球員出席,不過開賽初段本球隊仲仍然繼承到上仗嘅氣勢,都可以話有六四嘅優勢,其間仲由阿Dick一個直線傳入細禁區交俾外援球員(真係外援嚟架,因為佢係來自瑞典),我見佢正慾攞定個波之際,個波已經撞到佢隻右腳碌咗入網lu,不過佢都不知幾開心(佢就好啦,咁都有波入 >.<)。 就咁我地就領先一比零完上半場入更衣室。

          不過下半場一開波不久,我所指無教練嘅劣處就表露無遺,首先球員位置錯配,之後係弱勢同殘陣之下,仍然採取主攻嘅打法,攪到大部分時間都俾人六打四,又或者七打四嘅慘況,最後我地輸咗二比一,仲話可以攞信心添,點知……… >_< 。