賽事精華 (27/12/2003)

       今場係球會成立以嚟第一場正式內訌杯,開賽前先由兩名門將盧志同德仔猜人,最後名單如下:

  黑衫隊: 德仔大吉阿勝大頭阿俊阿春蕃薯豬妖阿東阿威

  白衫隊: 盧志阿偉皇子Dick含羞咸魚寶強白毛King美綠Cook

                   富               富仔今場負責做球證,而是場盤口開得非常大,每人廿皮要係順利咁細嘅球場,咁細個龍門同埋要扭過成40隻腳(有啲球員連自己隊友都扭埋,咁咪有咁多隻腳囉)取得入球真係唔容易而今次球會相當有面邀請到傷逾復出嘅阿King同埋啱啱踢完英超聯返港嘅咸魚參賽,真係難能可貴

         呢場波無得直播簡直係電視台嘅損失,所有球員嘅看家本領都出盡,當然包括有阿偉嘅鑑粗從後欄截(只少有大頭成個彈開,豬妖更加要由軍醫抬離場),白毛嘅必殺技將波拉後轉身扭過對手(不過用咗十幾次都無次得,仲俾寶強叫佢唔好再用,真係無趣),美綠嘅插花(都唔明點解啲插花次次都係背住對手嚟插嘅?),魯薯嘅帶波帶出界(不過佢實唔認架,風大吹咗出界之嘛),豬妖嘅地旋陀螺(今次仲犀利,陀螺到跌咗落地都可以即刻起番身再陀過),阿俊嘅老樹盆根(連麥兜個師傅黎根隻腳瓜都要行埋一邊),阿春嘅強暴射球(有理無理就嘭埋去,唔理前面啲人嘅死活),當然仲有我嘅後衛式射門(真係唔明白明明向住個龍門射埋去,點解會射到上七樓咁高嘅?) 最令人喜出望外嘅就係咸魚竟然識得跑,大吉咁重都可以凌空射球,大頭都識得做假身……………….

講咗咁耐有結果未呀!!

Sorry! Sorry! 結果係由代表白衫隊嘅美綠接應寶強開出角球頭鎚建功先勝一比零完上半場,之後由代表黑衫隊嘅阿威右邊底線窄角度勁射破網一比一和氣收場