賽事精華 (12/02/2004)

         我諗呢場波都應該列入廿七軍成立有史以來最不知所謂嘅Billboard流行榜第一位嘞,無氣無力不特止,最差就係連士氣都無埋。今場對呢班郵差平均年齡同身型都要比我地差,有啲仲連攞波都話有壓力嘅,咁都要輸真係要執番濟困獸鬥精神吓至得嘞。

         雖然呢場波只係輸一比零,但係最慘係可以話係全場都乜攻勢,起腳射門就更加少之又少,甚至連富仔都表現欠佳,反而表現得最出色同埋最稱職嘅係阿俊。希望各球員就呢場波嘅表現好好反醒一下,而廿七軍一定會再向郵差遞挑戰書,希望屆時各隊員傾盡所能全力以付,好讓廿七軍喺業餘足球界重震聲威。