賽事精華 (16/02/2004)

廿七軍曾多次在不同地點與地鐵阿牛隊對壘未曾嘗試過勝利嘅滋味,呢場亦都一如以往輸咗五比二,不過相對於上一仗嚟講,已經可以話有所改善,至少士氣方面就提升不少

         開賽初段廿七軍同地鐵阿牛隊可算係互有攻守打成均勢,雖然後防方面大吉同埋阿春一對中肩缺陣,但係今仗富仔情廂客串與阿勝共同鎮守中路位置,雖然未算一拍即合,但都可算有所交代

一如以往廿七軍會訊報喜不報憂,今仗取得兩個入球首先有富仔個人沿中路推進,左拐右拐之後起左腳射向龍門右下死角入網,之後阿東亦曾經近門使出李三腳連續三次施射,但係都俾對手後防同守門員一一破解本來白毛都有一個士哥嘅機會,好可惜接應傳球用右腳內檔一趟個波撞正條門柱彈番出嚟,好彩一輪混戰之後由美綠執雞射入其實廿七軍喺呢場波裡面都有唔少攻勢架,不過前峰腳風唔順把握唔到先至有此下場,但係相比於以往與地鐵阿牛隊往績已經進步不少,放心啦廿七軍,距離戰勝地鐵阿牛隊嘅日子不遠嘞!