賽事精華    (19/03/2004) 

                                                             恭喜廿七軍打開聯賽杯勝利之門

            今仗係廿七軍組成以來第一場真正既比賽,各隊員都懷住興奮既心情到達球場,不過當每一個球員踏入和宜合道運動場之後,都大嘆一句:「嘩!乜個球場咁細架?」

            開賽前循例圍圈猜吓波熱吓身,跟住就圍埋講吓呢場波既打法,最後廿七軍都係採用四四二陣。式,有所不同就係阿春改踢右閘,而富仔就拍住白毛打前鋒。

            開波啦,由阿威寶強阿Dick同埋鈞仔組成既一條中場線已經取得控制權,並且製造不少傳送,可惜富仔同白毛未能把握。直至開賽八分鐘左右,中肩大吉喺後場來一個高波長傳入禁區,富仔轉身擺脫對方後防一個戈利破網領先一比零,場邊球迷掌聲如雷。

            可惜廿七軍領先既優勢只能夠維持五分鐘,對方乘住廿七軍左邊後防一個錯誤,底線傳中前鋒接應追和一比一。之後廿七軍有多次入波既機會,但都唔係中柱就係中眉,真係無運,最慘就係今場有超水準表現既白毛多次喺禁區內被對手拉手推跌, 同埋後衛handball,球證都無判十二碼,真係無地利又無埋人和。
幸好廿七軍無因為咁而放棄,繼續加強攻擊,大約完場前十分鐘左右,富仔個人扭過兩個後衛施射,皮球直搗龍門二比一完上半 場。

            下半場廿七軍作出首個調動,由阿偉同阿Cook入替中場線,只留低阿威同阿Dick繼續擔任派牌角色,美綠接替白毛,而鈞仔就墮後接替大頭打左閘。換邊之後廿七軍仍然有大多數既控球權,瓣數亦因加入阿Cook之後增加不少,而阿威斬既角球就更加至命,可惜仍未能增加入球。但係富仔憑住一個無乜力既射門,守門員竟然慌忙中將皮球送左入網,無端端贏到三比一。大約十五分鐘左右,廿七軍作出第二次調動,由蕃薯入替阿Dick右中場位置。

            不過對手都唔係善男信女,不段加強攻擊,但都被廿七軍既一支後防軍隊通通化解,可惜對手知道硬闖無甜頭,竟利用場細之利中場施射,阿勇雖然掂到但都阻止唔到入球,俾對手追成三比二之緊張局面。大約離完場前廿分鐘,廿七軍作出最後一次調動,分別派出阿俊同埋仔接替後防同前鋒既位置。賽事去到中後段既時候,富仔乘住對手一個錯誤?回傳連下四城,雖然離完場前五分鐘左右,對方亦憑住阿俊?大禁區外犯手球射入追成四比三,但可惜已經遺時已晚球證吹雞完場。
 
           廿七軍先取得聯賽杯首個三分,當然要影相留念啦。好野,廿七軍一次, 廿七軍,拍拍拍, 廿七軍,拍拍拍, 廿七軍,拍拍,拍拍,唏!