日 記

                                                                                                8/27/04 (Fri) 下雨

                                                                                                其實我係一個好情緒化嘅人

                                                                                               今日我請咗下午同聽日嘅大假

                                                                                                原本我已經安排好今日下午同聽日嘅行程

                                                                                                (因為我要習慣自己一個人嘅生活)

                                                                                                但當我放咗工後,突然咩心情都冇

                                                                                                屋企就係我一個好好嘅避難所

                                                                                                我就即刻坐巴士返屋企

                                                                                                我成日都對住部電腦

                                                                                                我竟然對住部電腦至深夜差唔多五點

                                                                                                其實我好清楚知道自己點解會咁

                                                                                                係因為佢冇打電話俾我......點解我仍然仲受佢影響????

                                                                               

                                                                                                8/26/04  (Thu)  一號風球

                                                                                                數數手指都已經係北京返嚟香港都已經第三日啦

                                                                                                唔知點解竟然有好多同事係北京返嚟後就病咗

                                                                                                最奇怪就係大部人嘅病徵都係發燒,喉嚨痛或者係發炎

                                                                                                而我自己噚日都病咗,大家都好唔明點解個個人嘅病徵咁相似

                                                                                                好多人都問係唔係北京空氣差??? 我又唔係咁覺呀

                                                                                                係唔係D嘢食好熱氣??? 都唔係呀, 我餐餐都食得好少因為D嘢好難食

                                                                                                所以大家病都係一個迷,亦冇人可以解得開

                                                                                                旅行相終於晒咗出嚟啦! 今次係我用DC 咁耐第一次攞出街俾人晒

                                                                                                我俾我D同事睇,佢哋問我用邊一部DC因為佢哋個個都讚D相質素好好

                                                                                                其實我係用Sony 3百萬像素, 我自己就唔係太覺

                                                                                                我D同事形容相入面嘅人個個好似化咗妝, 白雪雪, 皮膚滑滑咁

                                                         

                                                       

                                                                                            8/20/04  (Fri)  在北京的第一天

                                                                                            今次係我第一次返大陸, 因為我從小到大都對依個國家嘅人同國法好怕

                                                                                            而我因為今次公司嘅旅行去北京反而有小小興趣,我覺得北京係值得一去

                                                                                            當我到達北京第一日,我都覺得唔係太差

                                                                                            反而過馬路就真係要小心D, 太多車而佢地又唔會睇人係斑馬線都唔代表安全

                                                                                            真係好危險

                                                                                            到步已經下午啦, 旅行團都安排咗食午飯嘅地方

                                                                                            環境唔係太好, 嘢食就更加唔好講啦

                                                                                            雖然係好肚餓但我真係一D都唔想食

                                                                                            我心係度唸第一餐已經係咁啦, 我都對之後咁多餐都唔會有奇望

                                                                                            之後我地嘅行程去咗王府井氣食街

                                                                                            我見到好多好多好嘢食,多到都唔知食咩好

                                                                                            最後我買咗D好普通嘅嘢食就係煎餃子, 好平呀

                                                                                            只係人民幣5元, 我同我D好姊妹一齊食

                                                                                            之後有同事買咗D包請我哋食, D味道都幾好呀

                                                                                            又到晚餐時候, 今餐係食北京片皮鴨

                                                                                            到好過今日午餐, 但D野都係......

                                                                                            食完飯就返酒店

                                                                                            初時唸住再出去食夥, 最後只係買咗D餅, 同薯片

                                                                                            返酒店