私日記

 

私日記咪就係我的日記囉! 就由今日開始! 希望我有時間寫啦!

 

 

<6-10-2002>(日) 今日係我的生日, 一個平淡的生日, 返工, 放工, 同屋企人食飯。生日願望......

<8-10-2002>(二) 今日第一日學電單車(綿羊仔), 正! 好好玩!

<19-10-2002>(六) 近來生活平淡, 返工, 放工, 返工, 放工, 放假, 返工......, 無咩特別野好記! 不過近來拾起本屬靈書睇, 滌然的"情是何物", 真係一本幾好的書。比我對"情"有的啟示!

<23-10-2002>(三) 今日公司大地震, 有三個同事被要求簽warning! 有0的驚!

<28-10-2002>(一) 今日放假係屋企睇電視, 睇到有線電影台做番"生命因愛動聽", 巳經係兩年前的戲, 還記得在荃灣百老匯睇, 一間好細的戲院! 睇番呢套戲令我想起好多0野。 [我們愛, 因為神先愛我們]

<5-11-2002>(二) 今日第一日返" 手語初階", 原來手學手語都幾好玩。

<9-11-2002>(六) 今日我細佬結婚呀!

<15-11-2002>(五) 今日開始放大假呀, 本來唸住去旅行, 點知! 又去唔成!唯有0係屋企休息一下啦! 同埋update下個網頁囉!

<23-11-2002> (六) 今日去左睇黃凱芹演唱會, 佢唱歌真係好正喎!

<26-11-2002> (四) 今日買了"楊千嬅"隻新碟, 好鐘意佢隻"一個人的童話"

<27-11-2002> (三) 今日考"綿羊仔" 強制試, 順利過關, 等排期考路試。

<8-12-2002> (日) 好凍呀!

<10-12-2002> (二)

<18-12-2002> (三) 今日去了睇"無間道", 好正!

<24-12-2002> (四) 聖誕節la! 不過要返工!

<01-01-2003> (三) 又新一年啦! 希望有一個新開始!

<06-01-2003> (一) 病了, 在家休養!

<24-1-2003> (五) 又過了半年了, 密麻麻的生活希望可以從新做人, (學手語, 學車, 返民安隊, 學英文...), 似乎這都是無用! 我就是忘不掉! 今日放假, 在家執拾, 找到一些舊照. 咭..., 眼淚真的不期然流出來!

<12-03-2003> (三) 今個月真係好忙, 好多野要做, 一放假就有好多野要做, 都無時間休息, 所以都無咩時間update個網頁! 希望今個月尾考電單車合格, 下個月就唔使學車, 可以得閒 d!

<24-03-2003> (一) 今日考電單車合格了!

<26-04-2003> (六) 好快又一個月, 非典型肺炎的出現真係有好大影響, 所有的學都停了, 就連學手語, 英文都停了, 又變得幾悶! 不過都可以好好的休息一下! 不過這個肺炎的出現真係令好多的計劃都要改變, 令我真係覺得人真係好無用, 花幾多心思去計劃前路係無用, 一切都在神的手! 人真係無得自誇!

<22-05-2003> (四) 原來巳經有成個月無update過個homepage! 一個月好似無野發生過一樣! 不過感謝神! 肺炎的情況慢慢好轉。很多野都開始回復正常, 不過其實真係有的野係可以從中學到的。萬事非偶然! 今日睇到一編幾好的文章, 都將佢放左係<錯看好文章>同大家分享。

<10-06-2003> (二) 今晚要去麥理浩SARS隔離營當更, 又無得訓!

<23-07-2003> (三) 哇! 好耐無update過個homepage, 好懶呀! 電腦近來又有些問題, 真係無咩心機去update. 不過近來開始得閒番0的, 之前公司又忙, 又要返學, 不過好在近來公司無咁多野做, 學又開始返完, 都係時間想下有咩好學!? 希望放多的時間update下個page

<28-07-2003> (一) 今日座巴士返工見倒人座電單車, 好想買架綿羊呀!

<31-07-2003> (四) 聽日放假, 今晚終於有時間update下個page, 終於放多左首梁漢文的新歌上去<好歌推介>, 除左"七友"&"999", 係另一首好聽的歌。

<21-08-2003> (四) 今日去左KCR見工, 好耐無見過工, 見得唔係咁好! 三個人圍住我interveiw! 都唔知答左0的咩!

<25-08-2003> (一) 上次見完工, 今日再打番比我, 話初部都合適, 問番我0的資料再比MANAGER睇, 可能有機會! 不過都唔知點解interview咁差都比我過倒!? 不過就算請都唔知去唔去做好!

<28-08-2003> (四) 今日KCR終於打比我, 叫我去做body check, pass左就會請我, 不過我想左好耐, 因為工作時間的問題, 所以reject 左佢, 希望之後會有更好更適合的工啦!

<19-09-2003> (五) 下星期放大假呀, 去旅行呀。 ^.^

<20-09-2003> (六) 今日去左睇"向左走,向右走", 真係好正喎! 雖然之前睇過本書, 但係都覺得佢拍得好正. 正!

<21-09-2003> (日) 明天去峇里旅行呀, 一早要起身呀!

<26-09-2003> (五) 去完旅行啦, 潛水真係幾好玩喎。

<03-10-2003> (五) 今日終於有時間去update個"錯唱歌"的page! 錄0左 隻自己好鐘意的"七友"。

<20-11-2003> (四) 原來又有個幾月無update! 不過近來真係好懶! 咩都唔想做, 可能因為唔使返學, 所以個人都懶 0左! 不過我參加左渣打的十公里跑, 都係時候要開始練跑, 本來想試下跑馬拉松。 不過唸唸下都係報個十公里試下先, 如果可以, 下年先跑半馬, 後年就玩全馬。希望可以啦!

<21-01-2004> (三) 今日係年三十, 今年的年三十真係最唔開心的一年, 今日我的一個朋友過左身!!! 12/1/04 還一齊返學, 17/1/04入左醫院, 今日就....! 人真係微小!

<04-02-2004> (三) 今日天氣好凍呀! 得大約10度! 星期日仲要去跑渣打十公里! 凍死人啦!!! 好似話星期日仲會凍0的! 希望唔好落雨啦!

<08-02-2004> (日) 今日係跑渣打的大日子, 感謝神跑的時候無落雨, 只係開跑的早段落左一兩分鐘, 之後跑完先落, 所以唔覺好凍! 不過今日遲到, 開左跑六分幾鐘先到達起點, 0的人都走晒! 追得好辛苦先追返0的人。

<13-02-2004> (五) 今日去左見工, 好似有0的機會, 不過又唔係我想搵的工! 希望快0的可以搵到想要的工!

<15-03-2004> (一) 明天去北京旅行

<31-03-2004> (三) 今日又去左見工, 今次呢份工好似幾好! 唔知有無機會呢!

<06-04-2004> (二) 明天終於有2nd interview, 希望有好表現!

<07-04-2004> (三) 今日見工順利, 等下星期就有結果!

<01-06-2004> (二) 原來有成兩個月無update! 上次講緊原來係見工! 份工無消息! 又要再搵, 不過上次見完工原來都有成兩個月無搵工! 近來開始去睇車(綿羊仔), 可能今個星期會買, 雖然買左都唔會成日有用, 但係真係覺得有0的悶, 想搵0的0野玩下!

<03-06-2004> (四) 今日去睇車, 終於落左deposit, 下星期一有!

<08-06-2004> (二) 今日去左取車。

<11-6-2004> (六) 病左成個星期, 終於好番! 不過把聲仲係有0的沙, 唱唔倒歌!

<13-06-2004> (日) 歐洲國家盃開始啦, 又係開始要睇波的日子啦! 正! 法國隊萬歲!

<19-06-2004> (六) 因為晚晚都要睇波, 都幾累! 都無咩楂過架車, 今日終於得閒楂下, 行左轉吐露港, 原來行到100km都幾快架喎!

<04-07-2004> (日) 轉眼間歐洲國家盃已經係最後一場, 我所喜愛的法國和荷蘭都出左一局! 不過決賽點都要睇下! 睇埋今晚又要等四年。睇完今晚就可以好好休息一下! 近幾日都落雨, 都無機會楂車!

<--- 我架車 ^.^

 

<13-09-2004> (一) 又有兩個幾月無update個網頁, 真係好懶! 其實又唔係真係好多0野做, 只不過唔想用腦筋! 又成日都落雨, 令到個人都無咩心機, 放假都唔可以去楂車! 不過上星期五差點"炒車"! 睇唔到地面有0野凸起, 成架車飛起, 當時都真係有0的驚! 不過平安無事, 今次係第一次感覺到"炒車"的危險! 不過下次真係要睇清楚0的邊路!
除左差點"炒車" 外, 其實呢兩個月都有好多0野發生0左, 其中一樣就係我0係8月15日受浸。

<07-11-2004> (一) 今年又參加了10km跑, 今次係跑nike10km, 21-11-2004比賽, 不過今次真係無咩時間練, 只係練過幾次! 跑畢全程就應該無問題, 不過真係想比上年的成績好! 不過真係有0的難度! 算啦! 當練習啦! 因為我仲參加左渣打馬拉松, 今次真係馬拉松0個隻! 所以都係時候要練下!
近來報左一個電子琴班, 希望可以學識彈電子琴, 咁到時就可以自彈自唱! 就好似梁漢文一樣!!! 型! ^.^

<18-11-2004> (四) 仲有三日! 無練跑!

<20-11-2004> (六) 仲有一日就跑, 病左! 星期一見完份工仲未有FEEDBACK, 睇來都係凶多吉少!

<21-11-2004> (日) 今日去跑nike10km, 估唔到無咩點練, 又有少少病, 竟然可以用45分幾的時間完成! 真係意想不到, 比上次跑還要快左四分鐘!

<25-12-2004> (六) 又有個幾月無update個網!!! 無計! 病左好耐, 一返工就病, 放假就無事, 咩都唔想做! 睇來真係唔轉工唔得! 上個月跑完nike10km到今日到無練過跑! 都唔知點跑渣打馬拉松?! 42.5km!? 尼次死!

今個平安夜又去左報佳音, 今年好多人呀!

開始左學電子琴, 原來彈琴真係好難! 唔知幾時先可以自彈自唱?? 就好似Edmond Leung 一樣. hehe!!

<09-01-05> (日) 04年巳經過去, 過去一年好似無做過d咩! 好似過得好快! 有d捉唔住的感覺! 希望新的一年過得實在一d! 不過新一年的新目標係練好d琴, 希望一年後可以彈d歌仔比大家聽!
上星期終於開始練跑, 好辛苦呀!

<27-01-05> (四) 今日去左練跑, 面對2月27日的馬拉松, 真係要比心機去練, 可惜時間唔多, 跑得完的機會真係好微! 今日由大埔跑去沙田, 一個來回巳經無晒力! 真係無咩可能跑得完全馬!

<13-02-05> (日) 今日又去左練跑, 跑左兩個鐘就跑唔倒, 仲要行返來!!! 死啦, 到時一定跑唔晒, 真係有d失落!

<24-02-05> (四) 仲有三日就要跑馬拉松, 真係有d緊張! 唔知自己可以跑倒幾多, 希望可以一口氣跑晒就好! 不過真係好難!

最近睇緊本書"你欠生命一份神蹟", 一本好睇的書, 發覺自己原來已慢慢成為了都市的老油條. 係時候要改變下自己, 要去追求自己的理想, 做一d有意義的事。想去學番手語, 睇到個course, 希望可以報得到, 同埋希望d時間可以就得到! 因為已經要學琴, 下星期又開始上堂, 五月又報左個物業管理的course, 所以時間真係唔係好夠用!

<27-02-05> (日) 今日係渣打馬拉松的大日子, 第一次跑馬拉松, 加上缺少練習,都估自己唔會跑得完全程! 八點鐘開始起跑, 一直都非常順利, 去到青馬大橋原來只係十五六km, 一切都好順利, 還影了兩張相。但當影完相, 雨就開始來, 全身濕透! 跑到22km左右, 可能因為衫濕透了的原故, 体力消耗得特別快! 開始肚餓, 慢慢開始覺得凍! 問水站的姊姊有無蕉食, 佢竟然同我講無晒! 無計只好繼續跑! 可是跑到27km, 已開始要行! 行下跑下! 去到35km, 就連跑的力都完全沒有! 只有行! 好辛苦咁行完! 時間係5小時03分!

希望下年可以好d!

<02-03-05> (三) 今日去聾人協進會報左個手語中班課程, 四月開始又可以學手語了!

<16-02-06> (四) 原來有差不多一年無update個網頁!! 原來Edmond有成年無出新歌, 所以都無歌update, 不過終於有新歌, 已post左出離比大家聽。

今年的渣打馬拉松也於12-2-2006完了, 今年比上年的成績比上年好, 只用了4小時32分完成, haha, 希望下次可以4小時內完成。

<Apr-06> 再見LM1839 .

<20-09-06> (三) 有於之前個電腦有d問題, 所以無左個Dreamweaver, 現在終於整番, 又可以再update下個page! 由於已經有了BLOG的出現, 所以私日記要move去我個blog--> http://chuiedmond.blogspot.com/; 有時間就去睇下。

 

 

 

 

回主頁