代禱事項
這個page係將一些需要寫出, 如果你都係基督徒, 請代禱! 如你有需要都可以講我知, 我都會為你祈禱!
<5-10-2002> 我的阿爺同阿麻都入了醫院, 阿爺心臟有事, 阿麻腳有事; 希望可以早日出康復出院。
<7-10-2002> 阿爺要做"通波仔"心臟手術, 今個星期會check有幾多條血管有問題, 如果多過兩條就不能做, 因為年紀太大, 所以要為佢代禱, 求神保守。
<9-10-2002> 阿爺星期六會做"通波仔"心臟手術, 求神保守手術成功, 平安! 手術大約需時四小時。
<12-10-2002> 感謝神! 阿爺的手術成功, 繼續為佢康復祈禱。還要留院觀察。
<18-10-2002> 阿爺巳出院, 希望今次手術真係可以治好個問題!
<28-10-2002> 求神加添我對佢的信心! 萬事都互相效力, 叫愛神的人得益處!
<15-11-2002> 想轉工, 想轉一份有意義的工作, 但未知想做咩! 代禱, 等候神!
<18-11-2002> 好耐無返團契, 因為時間就唔倒, 想搵一個適合的團契返, 搵緊! 代禱!
<25-11-2002> 後日要考電單車的強制試, 請代禱! (早上十點半考)
<12-03-2003> 今個月24號要考電單車的路試 (14:00), 希望可以一次pass, 最重要係唔好落雨, 因為考電單車如果落雨係要改期架!
<23-03-2003> 請為我媽媽祈禱呀, 我媽媽在沙田威爾斯醫院工作, 她很擔心會有機會染到非典型肺炎, 求神保守, 保守她的健康
<28-03-2003> 一位威爾斯基督徒醫護人員代禱信
主內的弟兄姊妹:
多謝大家數日來的關心、慰問。我很好，請不用擔心。但每當我想到自己的醫院（威爾斯親王醫院），心裏很是傷痛。傷痛的是：見到自己認識的醫生在深切治療部、在死亡的邊緣；見到很多工作的同事們有些因照顧病患者受到感染，他們被安置在隔離病房……我們身體疲乏，每天工作在惶恐之下……，我的心的確又擔憂，又傷心。
請你們切切的記念我們。這是一場屬靈的爭戰！以色列人犯罪得罪神，神從天降下災禍……瘟疫一觸即發。今次的肺炎就像瘟疫一樣，我們得罪了神，我們有禍了！還記得今年年頭有位何議員到沙田車公廟替香港人求簽、求平安嗎？這位何議員是一位基督徒，他不但沒有醒覺自己犯罪，還說他只是入鄉隨俗！另外，原來昔日沙田區發生瘟疫，居民請了車公來制止瘟疫傳染，結果大量村民下拜，它由小偶像變為一座大佛呢！
弟兄姊妹，我們需要你的禱告，請：
為這位何議員祈禱，求神光照他，讓他看到自己犯了大罪
為我們醫護人員認罪禱告，我們一直自傲，我們以為自己的醫療知識了不起，以為生命在自己手裡，卻不知道生命掌管的是神，而不是科技！今天小小的病毒就可拿走我們的生命！
為我們基督徒的醫護人員生命禱告，我們有些基督徒常用「輪班」為籍口，沒有每天親近主、看聖經，甚至沒有返教會，我們有些連謝飯禱告也不敢，我們躲在一角，我們隱藏起來！求主叫我們回轉歸向上帝，求主重新復興我們的生命，叫我們勇敢的站起來，見証榮耀主！
求主保護在醫院裏仍需工作屬衪的兒女，讓他們每天精神抖振，在絕望中放下盼望、在憂傷中放下安慰、在失落中放下愛…...
求主拯救在患難中的病人、讓聖靈自由運行在醫院病房內，每位病人得著主的醫治，更重要的見得著神自己！求主安慰病人的親友，也讓他們得著神自己！
為沙田區祈禱，求神興起、連繫沙田區各教會、及院牧一起為這地禱告，進到社群中關心他們，將平安的福音帶給他們。
邀請你同樣為自己的生命禱告，今天我們怕感染肺炎、怕這病毒，但我們卻不怕這位輕漫不得的上帝，我們基督徒生命仍然不冷不熱，仍在罪中打滾，求主憐憫。
「我若使天閉塞不下雨，或使蝗蟲吃這地的出產，或使瘟疫流行在我民中，這稱為我名下的子民，若是自卑、禱告、尋求我的面，轉離他們的惡行，我必從天上垂聽，赦免他們的罪，醫治他們的地。」歷下七：13至14節。
我們將於3月25日（星期二）下午一時至二時在醫院的小教堂內有祈禱會，求主激動更多院內的基督徒一起來禱告！
再一次謝謝你們！
願主賜你們平安！
一位威爾斯基督徒醫護人員
敬上
<8-08-2003> 近來香港賭波合法化, 連公司都開始有手機投注的服務, 近來要學賭波, 賭馬, 唔知遲0的使唔使要我教人賭! 身為基督徒的我, 當然唔可以咁做, 請代禱, 求神保守可以企穩。求神教導如何面對。
<25-08-2003> 早幾日去左KCR見工, 今日打番比我問番我0的次資料, 聽佢的語氣好似都有0的機會, 最少都表示我PASSED左上次個INTERVIEW, 希望可以清楚明白係唔係神想我做這份工作!
<28-11-2003> 開始真係要搵工, 巳經開始寄信, 希望可以搵一份星期六日可以唔使返工呀工作, 使我可以有穩定的教會生活! 但還未知可以搵咩工, 求神安排, 希望可以在年頭可以轉到工。
<13-2-2004> 過年後正式全力搵工, 開始有0的方向, 今日見左一份工, 都見得幾好, 可能都有機會, 不過唔係我想要的星期日唔使返的工! 所以就算佢請都未必會做, 希望神有合適的安排。
<06-03-2004> 又係搵工! 明天有份工要2nd interview, 都係一份自己想做的工, 因為係返星期一至五, 星期六長短週, 正! 希望有好表現, 得唔得就交比神!
<19-06-2004> 上緊個浸禮班, 下個星期要交個得救見証, 其實真係唔係好知點寫好! 希望有頭緒!
<08-11-2004> 搵工真係搵左好耐, 到今時今日都未有一份新工! 真係好想轉工, 唔想再0係度做!
好想今年年尾或明年年頭可以轉到一份工, 希望神有安排, 近來send左好多信, 但一份都無feedback!
另外, 來年會在團契做組長, 求神比我有智慧去關心組員, 因為我係一個唔識關心人的, 求神大大的賜恩。
另外, 又開始左在教會的足球隊幫手, 求神比我有智慧面對這班年青人, 有機會可以將福音帶比佢地。
<11-11-2004> 下星期一15-11-2004, 終於有工見, 好耐無見過工! 今次係見sony的customer services, 因為太耐無見工, 所以有0的驚, 驚表現唔好, 請代禱!
<15-11-2004> 今日去完見工, 份工好鐘意, 覺得無論工作時間&份工的工作都好適合自己, 但interwiew的表見就真係好一般! 請繼續代禱, 如果係祂的心意, 代祂開路。
<02-03-2005> 今個星期applied左一份工, 係聾人協進會的"手語發展兼助理幹事",
其實一直都希望搵份工係關於聾人的! 希望次有機會, 請代禱!
<03-03-2005> 感謝神下星期一7/3/05 19:00見工, 係香港聾人協進會的手語發展兼助理幹事.
今次有機會interview, 希望神都比機會我去試試!
代禱:
1. interview順利, 有智慧對答(好可能要用手語)
2. 份工的工作時間
3. 人工不要太少 (因為請中五畢業)
回主頁