yuki

27-03-04

 

我中意果個人,佢同我唔同班,開頭,我冇發覺到有佢既存在,直到我個friend話俾我聽佢地班有個靚仔,我先

知道有呢個人既存在....

當時,我都冇中意上佢,但我發覺我同佢好有緣,去到邊到撞到,最有緣果次係,成架巴士,靜係得我同佢係學

生...我地冇講到野,因為我地根本就唔識..我到左喇,我落車之後,望番上車,

見到佢一直轉番個頭望住我,我地果時有眼神接觸,我個心跳左黎咁滯呀...

我發覺到自己真係中意左佢喇,但佢好靚仔,所以有好多女仔中意佢,我同佢又唔識,一日都講到一句野,靜

係靠我個friend話番佢d野俾我聽...我每日都企係球場睇佢打籃球,佢真係好型呀...

我知道我同佢係冇可能家,但我個friend俾左佢個icq我,我即刻add左佢,佢問我係邊個,但我冇講到俾佢知

,因為我驚佢會黎搵我,我又知佢好多野,驚會連累埋個friend,就一直冇話到俾佢知我係邊個....我地每晚都

傾icq,到左情人節既前一晚,我問佢想唔想收朱古力[因為佢冇女朋友],佢話想..到聽日朝早,撲左去7仔買

朱古力俾佢,仲要好早番到學校擺入佢櫃筒.又唔可以俾佢地班d人見到,真係趕到我死咁滯呀,但我好開心呀...
我個friend仲話俾我聽佢上堂果時都拎d朱古力出黎食呀.真係好開心呀...但好景不常,

佢一直咁問我係邊個,點解知佢咁多野...我都係冇答佢,佢就嬲左我喇...係icq度hi極佢,佢都唔應我,好唔開

心...自從中意左佢之後,我地就唔似以前咁有緣喇...過左差唔多一個月之後,佢終於應我喇...當時好開心

,但佢同我講,佢有女朋友喇...我個心好似被百幾把刀插左入黎咁痛....

之後佢再冇問我係邊個,又好少online喇,但我同以前一樣,日日都係籃球場睇佢打波,間中傾下icq已經好開

心喇...我會等...等..一直等佢...

我其實好想同佢讀埋同一班,但佢d成績同我相差太遠了,佢都話驚自己升唔到班呀........

真係好擔心佢....

可能我地既緣份已經停左喇....