SiNG's story

一整天待在家，只係晚上去了看電影，都ok啦，係悶d咁。

我又覺得唔使道歉的，因為你沒有錯。
只是每個人所相信的，每個人所執著的不一樣。難道咁，就要抱歉？不是的。因為你係你，佢係佢。

明天是五月一日，係一個新的開始。唔知明天會點呢？？？

十一點，就落到街，去換叮噹，但唔係我的，係朋友的，但佢唔畀錢…唉，我一定會追瘦佢。
今日返兩點，我十二點返到去，就執番好個場，因為唔想聽到乜0野說話咁…
但係老細唔收貨，我丁~~~
其實今日全日做0野都ok，沒有乜0野特別，比昨天好呢。今日係近日最早閃

今日食lunch係成功唔使畀錢的，但就好慶地要找經理囉，真係……
之后返到中心一切安好，繼續跟進我要跟的工程，點知呢兩日做了snowman，真頂癮囉，有點兒不悅，但我照做囉。
晚上回到家已經凌晨兩點多了，今日一點先離開中心，因為那項工程呢，但點都好，終有于了一口氣的感覺。

今日返到中心不多久，就有一袋糖了，$9.8x，哈哈，真係開心呀。謝謝珠女

今日一早就出0左門口，因為要去買下0野，一點鐘返到中心，就編下人手咁，原本昨日編好的人手要改動，這不是問題，因為我預先編了一次，所以只係改動而非由頭0黎過，其間與當值社工係咁傾，咁好d、或者咁，就係傾點安排人手比較好囉。
之后到0左五點幾，珠女行過，我就提返佢我要的東西，最后佢話五月中有，真好，然後再提佢要解答我的問題，問題已經完全了解，原來係咁，真係開心。相信佢日后工作會更加開心，仲有三日就開始。
之后食飯，都冇乜特別喎，就係五蚊三個砵仔糕，我只係食得一個。去到收工，就在WW房同SONIA同YAN傾0左一陣，乜都講下，原本諗住做文件工作的，但用棧傾下偈都幾好。
回到家，又係十二點了…但一返到去，又幾開心喎，因為在美國買的那件衫，到手了，雖然上身有點兒大，但又有d hip-hot feel，都幾好，哈，起碼係香港買不到的。

明天會同VICKY食LUNCH，我又會屈佢請。

今日妹買了蛋糕加道歉，只是我沒有好的心情作回應，觀察多點先算，等日子過多一點再算。

最大的壓力…是自己加給自己的
我就是一個這樣的人

今日一早留了一句：我唔再理…
我諗我真係唔Q再理佢，因為咁我可以煩少好多0野嘛。
五點起身，一直去到三點鐘，不停走來走去，今日都冇乜心情去食0野呢，結果買了三包高鈣脫脂朱古力，飲了兩包，畀了一個HW。
下午兩點，有一班義工到中心陪他們玩，我就帶了其中一個名牌，扮他們，但就被義工悉破了呢，好勁呀，一眼就就睇穿呢。
三點二十分閃，就返沙田打波，打下等下，發覺今日好似食0左屎咁囉，打到七點，MING就電我，我已經估到佢想我做D乜，哈哈哈，回到家，走了一個圈，又再去打過波，今次係美林室入場，但打了一句鐘多點，左大腿前部分想抽筋，如果都係抽了，休息了一會，再下場，發覺兩條大腿前后皆想抽，咁我就走埋一邊，回到家，又抽了……抽到個人好辛苦，坐又唔係，企又唔係……丁

我都唔知做乜事，今日的SiNG好似完全係兩個人咁。
早上返工，係幾好的，我好努力咁去跟CCTV那個工程，又好努力咁0係前線，兩邊走，放工后又繼續跟，又打份會議紀錄，都唔錯，雖然累了，返沙田時在巴士上睡著了，但就係幾好。都之后同朋友去打波，分別有：米高、小草、峰、IRENE、雞、娘、素，一行八個人打羽毛球，笑0左好耐，真係好開心。
點知…返到屋企，我好似變0左第二個人咁，成個人起哂火，見到人就鬧，先同亞媽嘈了幾句，再去鬧亞妹，我鬧到佢躲在一角係咁喊，係咁大叫……
我個人真係好火囉，都唔知乜事…DAMN IT~~
我覺得我要找找神。

今日係好熱呢，我帶多0左件衫返工，咁係好的，因為我做0野做到成身汗呢。做完一日0野，就回家好好食d0野，朱古力加朱古力曲奇。
明天人手真係好唔夠，但冇計，都係要做的，放工之后，會去打羽毛波，會開心的吧。

今早起身，正當我諗緊bid唔bid那件衫時，0彭~~~我就看看窗外，好似冇乜0野喎，以前都試過一次，只係有鋁窗跌0左落街，我又見到冇乜事，就繼續做自己0野，一陣過后，我又聽到…belibala，係…警車、消防車、十字車，我又睇唔到乜，就算了，但外面就人山人海，我有諗過落去睇下乜事的，最后沒有。
十二點二，我就照計劃去睇KOMA，真係好睇呢，都幾享受，睇完買0左咖喱牛腩飯回家食。
回家時，看看跌穿了東西的地方，有紅色液體的痕跡，我之后問媽…媽話有人…

晚上同馬崇的朋友仔食飯，因為話說GARY生日，諗住去元6食有半價，點知絛死仔張ID CARD唔係寫呢一日…不過都好開心咁食0左一餐。

係呀，我成功BID了那件衫呢。

今日係4 月21 日，係我返工以來的第一日年假，但係就好有聊無聊咁過了。下午同皮蛋、樑、素行0左一陣旺角，沒有什麼買到，因為都冇乜0野需要買，衫褲已經好多了。但都係想繼續買囉，要忍手。我仲想買冰河、比達，但都係冇，因為要忍手。仲有兩套漫畫想買，其中一部係「與光同行」，一部係剛出的唔知乜乜乜…

晚上回家煮公仔面食，HEA HEA下就過了一晚。之后同個同事傾0左一陣，說說這、說說那，就咁就一晚。

呢個假係唔知點的假期，明早如果早場有KOMA，我會自己一個去睇，去享受下。

今日看了一本漫畫的第一期…
真的要介紹給各位

與光同行

好好睇的，講家有自閉兒童




今日用了誘蚊計、待蚊計，都殺唔到佢…反而餵飽佢…damn it~

昨晚係呢幾年最早訓的一晚，係晚上九點前(唔好捉字蝨)，一訓就第二日五點，就起身返工了。其實前一晚睡得很少，只有三個多小時，之后又做了一整日0野，所以咪咁累囉。今日返早，係咁多次返早最精神的一日呢。
今日有兩位同事SICK LEAVE，一個放大假，DAC同事得返兩個，HPW沒有人返830，所以我就唔使拍MOVIE，要入班做0野了，結果我兩節都在多功能室，悠閒的過了，之后就睇散步，文件工作，但係，文件工作時間我就走去拍下MOVIE，同打下個HPW MEETING REPORT，咁就五點幾了，放工回家食飯。
明天放假兩天，我買了好多好多0野食，有兩包薯片、芒果PAN-CAKE、火龍果、雪條、雪米滋……就係好，我決定一晚要食哂佢。
明天或者會去睇李心潔同林嘉欣，我好鍾意他們的，特別係李心潔呢。

呆呆的待在家……

一早回到家，hea了一會，就去睡了，但兩個多小時后，被吵醒了。

今日係想哭的一天，但我還是忍住，沒有讓淚流下來，靜靜的坐著時，我叫佢地唔好撩我，因為我會忍唔住的呀。

昨晚嘛，用了數小時做哂d IP的評估，真係唔錯，0黎緊要打份會議紀錄，係煩的，但都要做，仲要做好佢，因為同事要求的。

星期四的一日，係開心的。雖然將會有較多文件要打，但係，心情係幾好的。有一位同事要離職了，他是一位蠻好的同事，好nice的。
抱著感覺不錯的心情上班，真的不錯。
睡得很好吧~

成Q日都UPLOAD唔到……唉

一早就起身，等到中午就去看天作之盒，都ok唔錯呀。
同皮兩條友去0左食euro gogo，都唔係太飽咁。
之后一條友去0左cafe做0野，用0左個多小時啦，唔係做了很多，但萬事起頭難，我開0左個頭，咁星期五返PC時，就可以好好咁完成了。
很久沒有喝過了，朱古力咖啡。

晚上落街食飯前，我又將我d頭髮染淺了點點呢。

昨天接到一通電話，是小學同學電來的，今晚，我就赴會，到了旺角的neway，雖然我只係可以去到短短的兩個多小時，但都幾開心，玩下mini-game，唱番兩首歌，飲番兩杯，就這樣，過了一晚。

真係好，可以調到更。
明天放假，很想一個人去一邊0野一邊做0野，就係明天啦。

不知何時，就像回到戰國時代般…
晚上，交更后，待在中心，有連回家的氣力也沒有的感覺，只是坐著、坐著…
今日是學員假期的最后一日，學員陸續的返回中心，又是一場又一場的戰事，真的使人喘不過氣來，由於我係前線DO，所以乜事都關我事，我乜叉事都要知道，腦子只係誰打誰，誰乜乜乜……
我知道唔係我編人手的問題，但我總是想平平靜靜的過，但唔可能呢。我又覺得，係我的魅力唔夠…唔可以HOLD到個場。
我都係去HEA陣…休息LU

今日的心情係沉重的
雖然早晨看著友人受浸，係該歡喜的日子
很久沒見的人，突然出現，坐在身邊，有點不是很自然呢，握了握手，唔知講乜。

我發覺我要多些關心身邊的朋友，特別係一班好兄弟。
我都唔知可以講d乜，但係，做兄弟的，有時候，就係唔需要講d乜。
很難開口，但…我會從心中開口，讓我這個懶惰唔禱告的為你禱。
我唔開心，但我知你比我唔開心千陪萬陪、億陪。

帶了田雞飯返中心，結果冇食到，因為有唔使錢的麥當當，仲要有人去買埋，真係好。
今日工作都可以話ok順利，冇乜大事發生，我就如平日咁坐在阿肥身邊，陪佢玩，我仲買0左雞蛋仔畀佢食，雖然佢要減肥，但係，我諗都係唔會成功，因為有我呢個錫咁佢0既職員。
晚上沒有搭小巴加巴士，去0左搭mtr，因為同埋同事一齊，結果，呢三位同事明天加埋我，明天都係返同一更，仲有一位不太受welcome的姐姐呢。哈~~
回到家，我就繼續食食食，食0左好多0野呢。雖然成日都話要食番少d，要減番d，但結果係……
好，返埋明天，就放一日假，yeah~

d人手真係少呢……返到中心，有點…唉的一聲，但係，又OK喎。

很久沒有見過YOKIE了，收工時，收到了CHRIS的電話，話佢同YOKIE正想去唱K，問我去唔去，我就當然去啦，難得咁難先可以約埋一齊，我就放低手頭上的工作，即去。
好似好耐冇去過唱K了，雖然我唱得難聽，但係，我又唔怕醜咁係咁唱喎，都幾好0架。
雖然冇乜特別0野傾過，但係，又真係幾開心咁過了幾個鐘頭。
回到家，已是兩點多，明天返兩點，所以可以HEA多陣先訓。`

下午去了看受難曲，看的時候，我沒有把她與信仰拉在一起。這是一套使我要掩眼而看的電影，在我的背后，聽到有哭聲，真的很血腥很殘暴。

我坐在場邊，呆呆的看著，感到自己就像一個罪人似的。
我知道自己真的打得不好，好多失誤…
仆街仔，再沒有比這個形容得更好了。

得收拾心情，抖擻抖擻，明天返工。

約了教院的同學食飯，他們在說著他們的學校如何如何，我不在學校工作，感到有點格格不入似的。
簡單的吃過一頓飯，吃過甜點，就回家去了。~